مصر وفرت 5 مليار دولار في شهر.. جابتهم منين

إزاي مصر قدرت توفر 3 مليار دولار في 30 يوم، وإزاي الحكومة قدرت تنفذ قرار الرئيس السيسي وحكاية 152 سلعة مصر قررا تصنعها وإزاي الدولار ازمة في أخر مراحلها

فاكرين مصر من امتي وهي بتتفاوض على قرض صندوق النقد الدولي عشان 3 مليار دولار ومفاوضات وجولات ولجان مراجعة وتصريحات وضغوط وفيه تعويم ولا مفيش وليلة كبيرة، في وقت مصر قدرت توفر 3 مليار دولار يعني قد قيمة قرض صندوق النقد ومش كده وبس دا كمان الحكومة وفرتها في 30 يوم بس.. زي ما حضرتك سمعت كده.

طيب فاكرين لما الرئيس السيسي قال هنصنع كل حاجة في مصر والبداية ب152 سلعه  ممكن نوفر استيرادها ونصنعها في مصر ونوفر 30 مليار دولار، ودا هينعكس أكيد على حجم الوارادت.. المفاجأة بقي إنها فعلا انعكست على حجم وفاتورة الاستيراد وقدرت مصر توفر المبلغ الكبير دا في شهر واحد.

وحسب بيانات حديثة، تراجعت القيمة الإجمالية للواردات المصرية خلال شهر يونيو الماضي،  وبلغت نحو 5.23 مليار دولار، مقارنة بنحو 8.45 مليار دولار خلال نفس الفترة من العام الماضي، بنسبة تراجع بلغت 38.1%، يعني تقريبا كده الدولة وفرت 3 مليار دولار في شهر واحد.

وفسرت نشرة التجارة الخارجية الصادرة عن الجهاز المركزي للتعبئة العامة والإحصاء، التراجع الكبير في فاتورة يونيو وإنها بسبب انخفاض قيمة واردات بعض السلع، أهمها انخفاض واردات مصر من منتجات البترول بنسبة 37.8%، مع تراجع واردات القمح بنسبة 9%، ومواد أولية من حديد أو صلب بنسبة 42.7%، بالإضافة إلى واردات الذرة بنسبة 42.4%.

وسجلت قيمة العجز في الميزان التجاري نحو 2.32 مليار دولار خلال شهر يونيو الماضي، مقارنة بنحو 4.43 مليار دولار لنفس الشهر من العام السابق بنسبة تراجع بلغت نحو 47.7%، ودا طبعا إن إنجاز تاني كبير بحوالي 2 مليار دولار ن ودا بسبب ارتفاع قيمة صادرات بعض السلع في شهر يونيو الماضي، مقابل مثيلتها لنفس الشهر من العام السابق

القصد إن مصر وفرت حوالي 5 مليار دولار بين انحفاض قيمة الاستيراد وتراجع العجز التجاري، ودا حصل بحل سحري ومضمون وهو الصناعة وتوطين كل الصناعات الأجنبية في مصر مقابل زيادة الصادرات وهنا الانجاز هيبقى اتنين يعني هنصدر أكتر ونستورد أقل ودي الحل الوحيد عشان نقضي على أزمة نقص المعروض في الدولار وأسواق الصرف وغير كده يبقى بنلف في دايرة مقفولة.