الدهب بينزل والدولار الاسود بينهار.. سر الهدوء ماقبل العاصفة

ايه اللي بيحصل في سوق الدهب والدولار وايه سر هبوط المعدن الأصفر وانهيارات الدولار في السوق السوداء وياهل ياترى دي مرحلة الهدوء اللي بيسبق العاصفة ولا الأمور بتستقر فعلا والناس هتحس بالتغيير والانفراجة.

فاكرين لما قلنا إن اخر 3 شهور في سنة 20230 هيكونوا هما شهور الحسم في مرحلة قبل الاستقرار الاقتصادي الكبير في اوائل2024 وبعدها هتحصل انطلاقة قوية وعودة الأمور لطبيعتها في الأسواق والاسعار والتضخم.. بالظبط هو دا اللي بيحصل دلوقتي ولو متابعين حركة أسعار الدولار والذهب كمان هما اكتر حاجتين بيعرفونا البلد رايحه على فين هنعرف إن البلد على تصحيح الأزمات والعودة بعد شهور طويلة في حرب مريرة مع الأسعار والتضخم والمضاربين في العملة ومافيا تهريب الدولار والذهب والمحتكرين.

في منتصف تعاملات اليوم الاربعاء هبط سعر الجنيه الدهب في مصر بحوالي 40 جنيه وسجل سعر الجنيه ا 17640 جنيها في تعاملات اليوم الأربعاء ودا بعد هبوط سعر الدهب في مصر إلى مستويات 2205 جنيهات للجرام من عيار 21 وهو العيار المكون لسعر الجنيه الذهب في مصر ومن زمان مشفناش الدهب بنزل كده.. طيب ايه معناه نزول الدهب .. الموضوع بسيط جدا لأن نزول اسعاره يعني دخلنا مرحلة الاقتصاد المستقر والآمن ومفيش طلب غير عادي على الدهب معناه إن مفيش أزمات الناس خايفة منها عشان تجري تشتري الدهب ومعناه بردوا إن الأوضاع مستقرة والجميع بخير.
وبخصوص

دلالات إنخفاض الدولار في السوق السوداء ودخوله على حاجز 35و36 جنيه فدية رسالة حية على إن اللي جاي كله استقرار وهدوء وإعادة تصحيح الأوضاع ودا لأن الدولار هو السبب الحقيقي في كل الأزمات اللي بتمر بيها مصر من ساعة الحرب الروسية في فبراير 2022 بسبب ارتفاع أسعار السلع العالمية وهروب الاستثمارات الساخنة وتوقف وارتباك التجارة العالمية وتحمل الموازنة المصرية لاعباء غير مسبوقة عشان توفر كل حاجة للدولة من غير أزمة وخاصة السلع الأساسية.

طيب هل استقرار الدهب والدولار دليل حقيقي عل انتهاء الأزمة ومتاعب الناس ولاي مرحلة ما قبل العاصفة والتعويم والتضخم وارتفاع السلع .. شوق حضرتك كل قرار اقتصادي ليه فوائده وسلبياته حتى في الأوقات العادية اللي مفهاش أزمة وكل قرار بردوا لازم يكون ليه مبرر بتاعه ولو حصل تعويم وعندك دولارات مش هيحصل اي حاجه طالما الدولار مش هيزيد لأن عندك احتياطي من العملة الأجنبية وساعتها الجنيه هو اللي كسبان في حالة التعويم ولأن سعره هيستقر على بال واحد وهيدخل الاستثمار المباشر بقوة للسوق بعد انتهاء أهم عقبة في طريقه وهي تعدد أسعار صرف الجنيه ودا خلى المستثمر مايعرفش يحسب خسارته ومكسبه.