ضربة روسيا والسعودية اللي هتولع العالم.. عودة سيناريو الرعب

  
من ساعات روسيا والسعودية أعلنوا بشكل رسمي تمديد قرار الخفض الطوعي لانتاج النفط بمقدار مليون و300 برميل يوميا وبعدها مباشرة ارتفعت أسعار المواد البترولية 2% وتخطى سعر برميل البترول ال 90 دولار لأول مرة من فبراير 2022 .. فيا ترى ايه اللى هيحصل الأيام الجاية بعد الضربة الروسية السعودية؟ وأسعار البترول ممكن توصل لفين ؟ وياه الدول اللى هتضرر من القرار ده ؟ وايه تاثيره على أسعار باقي السلع؟ 
 
في ختام تعاملات النهاردة قفزت أسعار النفط 2% بعدما أعلنت السعودية وروسيا تمديد جديد لتخفيضات الإنتاج الطوعية، ليمتد أجل الخفض البالغ 1.3 مليون برميل يوميا إجمالا لمدة 3 شهور كمان يعنى من دلوقتي ولنهاية 2023، في وقت بيرتفع فيه الطلب على الوقود مع عدة النشاط بشكل كامل في الصين، وده بيعنى ان الطلب على النفط هيزيد في الوقت اللى هينفض فيه الإنتاج ووفقا لقانون العرض والطلب فاى سلعة معروضها بيقل والطلب عليها بيزيد بترتفع على طول، ومن المتوقع وفقا لكتير من التحليلات ان سعر البرميل ليلامس حدود ال 100 دولار على نهاية السنة دي

طب ده عناه إيه ؟ 
معناه ان الموازنات العامة للدول أعبائها هتزيد بنفس نسبة الزيادة اللى هتحصل في سعر البرميل وعشان حضرتك تفهم الموضوع بشكل تقريبي هنفترض مثلا ان مصر عملت موازنتها السنة اللى فاتت وسعر برميل البترول 80 دولار والسعر مع قلة الإنتاج وزيادة الطلب زاد ووصل الى 95 او 100 دولار فكل دولار زيادة في سعر البترول هيكون عبء جديد على الموازنة وهتضطر الحكومة تسده اما بالاقتراض من الخارج أو من خلال رفع أسعار البنزين والسولار لأن زي ما بيقولوا في الامثال العين بصيرة والايد قصيرة ولازم الفرق اللى هيحصل في الأسعار الحكومة تشوف طريقة من الاتنين تسده بيهم 
حد هيسال ويقول وليه أصلا روسيا والسعودية بيخفضوا الإنتاج؟ 
دي معركة كبيرة اوى في عالم انتاج الطاقة بين أمريكا والغرب من ناحية ودول أوبك بلس وعلى راسهم السعودية وروسيا من ناحية تانية امركيا ومعا كل دول أوروبا عاوزين الإنتاج يزيد ويستفيدوا من انخفاض سعر البترول وفى نفس الوقت يحافظوا على مخزونهم من المواد البترولية وما يضطروش يدفعوا فلوس زيادة على سعر البرميل في الوقت اللى السعودية وروسيا وماعهم كل دول أوبك بلس عاوزين يعطشوا السوق ويعلوا سعر المواد البترولية وكل ده بيترجم لملايارات الدولارات اللى بتدخل خزينة كل دولة من الدول المنتجة للبترول 
طب هو سعر البترول لما يزيد هل فيه سلع تانية هتتأثر؟ 
للأسف اى تحريك في سعر النفط سواء كان مواد بترولية او غاز او سولار بيتبعه مباشرة زيادة في أسعار كل السلع المنقولة يعنى مليارات الطنان من السلع اللى بيت نقلها للعالم يوميا من خلال البحار والمحيطات تكلفة نقلها بتزيد لأن المعدات اللى بتنقلها بتشتغل بالغاز او البنزين او السولار واى زيادة في سعر المنتجات دي بيتم تحميلها على الزبون اللى هو حضرتك وحضرتى واى مستهلك للسلع في العالم.

يعنى من الاخر كده اللى بيحصل في سوق النفط والمعركة البيرة اللى بين الغرب وبين أوبك بلس بتهدد بعودة السيناريو المرعب اللى حصل من بعد اندلاع الحرب الروسية الأوكرانية لما سعر برميل النفط وصل الى 120 دولار بعد ما كان ب 60 دولار قبل أيام قليلة من اندلاع المواجهة بين موسكو وكييف