ليه الرئيس السيسي فتح ملف الأرقام والتحديات.. وايه جاي بكرة

النهاردة كعادته دايما الرئيس السيسي صارح الناس بالوقائع والحقائق كما هي بدون تزيين أو تزييف واتكلم في كل حاجة زيادة سكانية وخسارة يناير الفادحة ومشروعات الانفاق في الدولة وكل التحديات الصعبة.. ايه هي الرسالة اللي الرئيس السيسي عاوز يوصلها وايه الحاجة مهمة جدا الليل قالها في كلامه وايه اللي هيحصل في الأيام الجاية
 

النهاردة الرئيس السيسي افتتح المؤتمر العالمي للصحة والسكان والتنمية وزي ما قلنا قال كلام مهم جدا بالارقام ورجع وأكد إن الخسارة اللي دفعتها الدولة في يناير 2011 وصلت 400 مليار دولار ودا بسبب توقف تقريبا النشاط الاقتصادي وهروب الاستثمارات وشلل السياحة وتوقف التصدير والصرف من المال الحي زي ما بيقول المصريين طول الفترة اللي عقبت الأحداث دي ومن هنا كانت الأزمة الكبيرة وإن مصر كان بينها وبين الضياع شعرة.

وبعدها الرئيس قال حاجة مهمة جدا وهي أن مصر قادرة تصمد في مواجهة أزمات مثل كورونا والحرب الروسية الأوكرانية وتعطل سلاسل الإمداد وما نتج عنها من أزمات عالمية ودي رسالة طمأنة للشعب المصري أن مصر واقفة على حيلها وتقدر تواجه اي تحد لكن المواجهة دي مجاتش من فراغ دي جد نتيجة مجهود خرافي طول 8 سنوات عدت من خلال آلاف المشروعات العملاقة في كل المجالات بداية من تأسيس البنية التحتية صح واللي تقدر تستوعب اي استثمارات خارجية وبعدها تأسيس بنية مالية متطورة وشمول مالي ورقمنة خلى مصر تساير التطور المالي وصولا لمشروعات استثمارية وصناعية وسياحية ضخمة قدرت تمتص الأزمة العالمية.
الرئيس وضع الناس والمصريين في الصورة عشان الناس تستعد للي جاي في الشهور اللي قاعده في 2023 وهي ظروف صعبة قبل الوصول الانفراجة الكبيرة في 2024 حسب كل التقارير الدولية اللي بتأكد حصول التعافي في الربع الأول من السنة الجاية.