سوق السجاير رايح على فين بعد صفقة بيع الشرقية للدخان

من ساعات مصر كلها تابعت مراسم توقيع بيه حصة من شركه الشرقية للدخان عملاق صناعة السجاير والتبغ في مصر والشرق الأوسط في صفقة اقتربت من 700 مليون دولار.  ياترى الأسعار رايحة على فين ومين اللي هيتحكم في اسعار السجاير في الفترة الجاية.

امبارح رئيس مجلس الوزراء، الدكتور مصطفى مدبولي، كان ساهم على مراسم التوقيع على اتفاقية استحواذ على 30% من إجمالي أسهم الشركة الشرقية "إيسترن كومباني"، لصالح شركة "جلوبال للاستثمار القابضة المحدودة" الإماراتية.
وبعيد عن التفاصيل الصفقة بتمثل نجاح كبير لبرنامج الطروحات الحكومية اللي بيستهدف جمع 5 مليار دولار على أقصى تقدير في الفترة الجاية وفي نفس الوقت تشجيع القطاع الخاص على الاستثمار بعد انسحاب الحكومة التدريجي من الشركات، وهتساعد في توفير الدولار وضرب السوق السوداء للعملة وفي نفس الوقت والأهم وهو المقصود من برنامج الطروحات إن الصفقات بتفتح المجال لتطوير وتوسيع الشركات بشكل كبير وزيادة فرص العمل وبالإضافة لتحديث خطوط الانتاج والاستعانة بأحدث وسائل التكنولوجيا العالمية لان من الاخر المستثمر دخل عشان يكسب ولازم يطور شركته عشان يعظم المكسب .

المهم نرجع لصفقة شركة التبغ والسجاير واللي  بعد إعلان الحكومة المصرية إتمام بيع حصة  30% في الشركة الشرقية للدخان "إيسترن كومباني"، للشركة الإماراتية بقيمة 625 مليون دولار بما يعادل نحو 19.336 مليار جنيه، مع قيام المشتري بتوفير مبلغ 150 مليون دولار لشراء المواد التبغية اللازمة للتصنيع  تغير هيكل الملكية لتصبح شركة جلوبال للاستثمار القابضة المحدودة الإماراتية ثان أكبر المساهمين في الشركة.

وبحسب بيانات الإفصاح المقدمة إلى البورصة المصرية، يصبح هيكل المساهمين الجديد للشركة، كالتالي: الحصة الأولى لشركة جلوبال للاستثمار القابضة المحدودة الإماراتية بواقع 30%، ثم الشركة القابضة للصناعات الكيماوية (الحكومة المصرية) بواقع 20.95%، وفي المركز الثالث صناديق استثمار "آلان جيري"، بواقع 7.21%، ثم اتحاد العاملين المساهمين بحصة تبغ نسبتها 5.20%، وأخيرًا الأسهم الحرة بنسبة 36.20%.
وبالنسبة للسوق فأكيد الفترة الجاية هتشهد انفراجة بعد يأس التجار واللي خزنو السجاير إن الشركة ترفعها وبعد قرار زيادة الإنتاج وواضح كده من الهيكل الإداري إن الدولة المصرية لسه مسيطرة على دفة الإدارة في الشركة وإن سياسة الأسعار في الفترة الجاية هتخضع للتشاور وإن المستثمر الجديد مش هيقدر لوحده يحدد السعر السوقي للسجاير لكن واضح أننا داخلين على أوضاع جديدة في سوق السجاير والتبغ وممكن نشوف شركات عالمية وقطاع خاص هتقتحم السوق المصري بعد تخلي الحكومة المصرية عن سياسة الاحتكار لأن الشرقية للدخان كانت هي الشركة الأم في السوق.