بعد البريكس.. أمريكا بتحاول تقرب من مصر علشان الاستثمار والتجارة
لو حضرتك فاكر إن خبر انضمام مصر لتكتل "بريكس" مش مهم.. تعالى شوف الخبر دا وأعرف اية دلالته
امبارح الرئيس عبد الفتاح السيسي.. استقبل وفد موسع رفيع المستوى من الحزبين الديمقراطي والجمهوري بالكونجرس الأمريكي، واللي بيضم السيناتور "ليندساي جراهام" عضو مجلس الشيوخ، والسيناتور "روبرت مينينديز" رئيس لجنة العلاقات الخارجية بمجلس الشيوخ، وعدد من مسئولي وأعضاء اللجان بمجلسي النواب والشيوخ.
طبعًا لقاء زي دا جه مباشرة بعد انضمام مصر لتكتل بريكس اللي يعتبر من أقوى التكتلات الاقتصادية على مستوى العالم.
واللقاء بين الرئيس السيسي والوفد الأمريكي .. كان في كلام على تعزيز العلاقات بين البلدين على جميع المستويات، ومسألة تعزيز استثمارات الشركات الأمريكية في مصر.
طبعًا أمريكا حريصة على العلاقات مع مصر وأنها تفضل متماسكة بسبب موقعها الجغرافي المميز وأنها بتعتبر بوابة لسوق واسع في الشرق الأوسط.. وكمان أكيد في قلق بأن مصر تتجه بقوة نحو تعزيز العلاقات مع دول البريكس ودا ممكن يكون فيه ضرر لأمريكا.. لكن مصر شغالة في الملف دا بشكل متوازن جدًا.
