ارتفاع أسعار الحديد بمقدار 500 جنيه.. يا ترى اية السبب
الخميس 24/أغسطس/2023 - 01:17 ص
خلال ساعات.. أعلنت 4 شركات صلب في مصر، ارتفاع أسعار منتجاتها من حديد التسليح على أرضها بما يتراوح بين 500 و1000 جنيه للطن الواحد.
يعني عندك مثلا شركة زي مصر ستيل رفعت الأسعار بمقدار 500 جنيه والطن وصل لـ 36500 جنيه .. وكمان سعر حديد الكومي زاد ألف جنيه وبقى بـ 36500 جنيه.
وزاد سعر طن حديد العلا بقيمة 600 جنيه ووصل لـ 36 ألف جنيه .. وكمان ارتفع سعر طن حديد الجيوشي للصلب بـ900 جنيه من 35200 جنيه إلى 36100 جنيه.
والسبب في الزيادات دي.. هو ارتفاع أسعار المادة الخام للحديد عالميًا ودا انعكس على سعر الطن محليًا.. كمان انخفض سعر الجنيه أمام الدولار خلال الشهور اللي فاتت ودا سبب في الارتفاع اللي بنلحظه دلوقتي.
