كنز بترولي جديد.. خليج السويس يلفت أنظار العالم
مصر مليانة خير وكنوزها تحت الأرض اكتر من فوقها.. ولسه أرضها بتطرح خير .. آثار وبترول وغاز ودهب ومعادن وتاريخ ليه آلاف آلاف السنين ولسه مخبية جواها ثروات ملهاش حدود ..
من كام ساعة وزارة البترول والثروة المعدنية المصرية أعلنت، عن كشف بترولي جديد في منطقة امتياز جيسوم وطويلة غرب في خليج السويس والكشف الجديد تابع لشركة "كايرون" وبتتولى شركة بتروجلف مصر المشتركة إدارة العمليات في الحقل وشركة بتروجلف مصر، هي شركة مشتركة مملوكة للهيئة المصرية العامة للبترول بنسبة 50% والشركاء كايرون-بيكو وكوفبيك 50%.
وحسب المعلومات تم تحقيق الكشف من خلال البئر الاستكشافي شمال جيسوم الشمالى GNN-11، واللي صادف 165 قدما من صافي الطبقات الرأسية عالية الجودة في تكوين النوبة وترجع الى ما قبل العصر الميوسين.
ودي المرة الأولى اللي بيتم فيها العثور على تكوين النوبة الحامل للزيت الخام في منطقة الامتياز، ويتواجد الخزان الرئيسى المنتج بالحقل فى تكوين نوخل.
وتم حفر البير من خلال تسهيلات وتكنولوجيا الإنتاج المبكر واللي تم تركيبها فى حقل شمال جيسوم الشمالى وتم وضع البئر بنجاح على الإنتاج بمعدل يزيد على 2500 برميل يوميا.
ومع دخول الكشف لتجديد للإنتاج هيبلغ إجمالي إنتاج الزيت الخام من الامتياز حوالى 23 ألف برميل يومياً مقارنة ب 4 آلاف برميل يومياً قبل تنمية حقل شمال جيسوم الشمالى.
وكمان تكنولوجيا الحفر المبكر هتمكن الشركة من حفر 3 آبار تانية من خلال تسهيلات الإنتاج المبكر واللي هيتم استخدامها لاستكمال المرحلة الحالية من برنامج الحفر الاستكشافى وتنمية منطقة الامتياز والاكتشاف الجديد فتح شهية الشركات ومنها كايرون وكوفبيك لحفر عدد إضافى من الآبار الاستكشافية في منطقة الامتياز والتوسع فى نشاط تنمية حقل شمال جيسوم الشمالى GNN.
اي اكتشاف بترولي بيعتبر إضافة لثروة مصر وقيمة مضافة للاقتصاد والعملة الصعبة والاستثمارات الغنية وعامل جذب كبير لشركات الحفر وشركات البترول اللي بتدور على أفضل البلاد اللي ممكن تستثمر فيها مليارات في قطاع البترول والغاز
