الثلاثاء الأسود في أمريكا.. ضربتين في راس الدولار

ليه النهاردة يوم أسود في أمريكا والدولار.. وإيه اللي حصل خلى العالم يحبس أنفاسه وإيه الضربتين اللي اتلقتهم العملة الأمريكية.. ومصر موقفها إيه.. وياترى قربت فعلا نهاية سطوة الدولار في العالم وايه اللي هيحصل في مسار التجارة الدولية

النهاردة لو متابعين الأخبار هنلاقي إن فيه تكتل دولي ومن العيار التقيل مجتمع في جنوب أفريقيا اسمه البريكس وفيه الصين والهند وروسيا ودول تانية، كل همهم يدمروا الدولار كعملة احتياط وتداول عالمة وبحث إزاي يقدروا يستغنوا عن الدولار بعملات وطنية تابعة للدول الأعضاء أو اصدار عملة موحدة، دا غير إن التحالف المعادي للدولار هيحسم أمر انضمام 23 دولة جديدة تقدمت بطلبات رسمية للانضمام للبريكس.

طبعا بمجرد ما انطلقت قمة بريكس في جنوب افريقيا النهاردة والعالم حابس أنفاسه لأن الموضوع دخل في الجد والنظام العالمي بيتغير وفيه قوة تانية طالعة بديلة للغرب والقوة الامريكية، واوربا وهتتغير موازين الاقتصاد العالمي وحركة المال والاستثمارات.. يعني باختصار اللي جاي بيقول إن العالم فيه قوى بتختفي وقوة تانية بتظهر وإن كل دول العالم دلوقتي بدور على مصلحته والمكان اللي هتكون فيه بس الأكيد إن الدولار مش هيفضل في زهوته وقوته واللي جاي ضعف وهزيمة وتراجع ودا سبب القلق الأمريكي دلوقتي واللي بدأت تصدق إن الحرب على الدولا بقت حقيقة وعلى الارض وهيكون ليها تبعات خطيرة على العملة الامريكية.

ومش كده وبس كمان الولايات المتحدة الامريكية كانت على موعد مع صدمة تانية بعد تخفيض وكالة ستاندرد آند بورز جلوبال، التصنيف الائتماني وعدلت توقعاتها للعديد من البنوك الأميركية، ودا بعد أسبوعين من خطوة مماثلة من وكالة موديز، وحذرت الوكالة من أن مخاطر التمويل وضعف الربحية من المرجح أن تختبر القوة الائتمانية للقطاع المصرفي بالولايات المتحدة.

وقالت ستاندرد آند بورز إنها خفضت تصنيفها الائتماني درجة واحدة لكل من "KeyCorp"، و"Comerica Inc"، و"Valley National Bancorp"، و"UMB Financial Corp"، و "Associated Banc-Corp" كما خفضت الوكالة توقعاتها لبنكي "River City Bank"، و" S&T Bank" إلى سلبية، وقالت إن نظرتها إلى بنك "Zions Bancorp" لا تزال سلبية بعد المراجعة.

وأشارت ستاندرد آند بورز في مذكرة بشأن تخفيض تصنيفها للبنوك، إلى أن العديد من المودعيم حولوا أموالهم إلى حسابات بفائدة أعلى مما أدى إلى زيادة تكاليف تمويل البنوك، وقالت الوكالة إن انخفاض الودائع إلى الضغط على السيولة لدى العديد من البنوك، في حين انخفضت قيمة أوراقها المالية التي تشكل جزءا كبيرا من سيولتها"، بحسب ما ذكرته الوكالة.

طبعا تخفيض تصنيف بنوك امريكية هي في حد ذاتها كارثة على النظام المالي العالمي كله واللي لسه مرتبط بالدولار وومكن اثارها تمتد للبنوك في كل دول العالم، وبعدها ممكن يحصل انهيار اقتصادي عالمي لو اتكررت ظاهرة انهيار البنوك الامريكية واللي حصلت من كام شهر.