كيف تنجو مصر من فخ الصنوق؟.. سكة اللي يروح ما بيرجعش

 
من كام يوم الحكومة الأرجنتينية أعلن ان صندوق النقد الدولي طلب منها تخفيض قيمة عملتها البيزو 100% في اطار اتفاق التمويل الموقع مع الدولة اللاتينية.. وبتعكس مطالب صندوق النقد الضغوط المتزايدة على اقتصاد الأرجنتين والعملة الأرجنتينية، وتراجع البيزو إلى 350 للدولار الواحد، في حين بيتداول في السوق الموازي بالقرب من مستوى 800 للدولار.. وده اللى مخلى مسئولي الصندوق بيمارسوا ضغوط كبيرة على المسئولين في الأرجنتين لخفض قيمة العملة المحلية هناك.. فيا ترى ازاى مصر ممكن تنجو من فخ الصندوق؟ وتهرب من مصير الأرجنتين؟ وتقدر تنقذ الجنيه المصري قبل ما يوصل لمرحلة الانهيار زي ما حصل مع البيزو؟
 

في اليام الأخيرة فيه مفاوضات ساخنة جدا بين صندوق النقد الدولى والأرجنتين لتسريع الحزمة التمويلية من صندوق النقد الدولي البالغة 44 مليار دولار، وكان فيه ضغوط من الصندوق للسماح لسعر الصرف الرسمي بالانخفاض لسد الفجوة مع أسعار السوق الموازية، واللي بيُنظر ليها على أنها انعكاس حقيقي لقيمة العملة وده بيعني خفض البيزو بنسبة 50% أو بقول آخر: "زيادة قيمة الدولار أمام العملة الأرجنتينية بنسبة 100%".
وبعد شد وجذب بين الارجنتين والصندوق اتفق الطرفان على خفض قيمة العملة الأرجنتينية بنسبة 20% ومن المتوقع أن يجتمع مجلس إدارة صندوق النقد الدولي الأسبوع الجاي للتصديق على المراجعات الأخيرة للبرنامج التمويلي الأرجنتيني، واللي يسمح بصرف حوالى 8 مليار دولار للحكومة الأرجنتينية. 
حد ممكن يسأل ويقول وايه العلاقة بين اللى بيحصل في الارجنتين واللى بيحصل عندنا هنا في مصر؟ 
بص يا سيدي تقريبا اللى بيحصل في الأرجنتين هو هو اللى بيحصل عندنا في مصر يعنى لو لاحظت هتلاقى ان صندوق النقد مصمم على تعويم الجنيه من جديد ورافض ييجي يعمل المراجعة لبرنامج الإصلاح الاقتصادي الا لما الحكومة تخفض قيمة الجنيه وبيضغط بكل قوته لاجبار مصر على تطبيق سعر صرف مرن لا يخضع فيه سعر العملة لأى تدخل وده لو حصل ممكن تلاقي الدولار وصل 100 جنيه أو أكتر عادي جدا وطبعا ده هيكون ليه تداعيات اجتماعية واقتصادية خطيرة جدا وأسعار السلع هتوصل لمستويات محدش من الناس هيقدر يستحملها وده اللى خلا الرئيس السيسي يطلع بنفسه ويرد على الصندوق ويقول لو تطبيق مرونة سعر الصرف هيأثر على حياة الناس مش هنعملوا حتى لو ده تعارض مع شروط القرض اللى مصر واخداه.
طب ازاى مصر ممكن تنجو من فخ الصندوق وتعزز من قيمة الجنيه ؟ 
لازم تفكير خارج الصندوق فيما يتعلق بتوفير السيولة الدولارية يعنى الحكومة وهي فعلا شغالة على كده لازم تفكر ازاى توفر دولار بعيدا عن فكرة الاقتراض وعندنا مصادر مهمة للنقد الأجنبي لو تم التعامل معاها بذكاء ممكن نستغنى عن الاقتراض من الخارج ومنها طبعا السياحة اللى الحمد لله بتحقق السنة دى ارقام كويسة جدا وعلى اخر السنة متوقع مصر يزورها اكتر من 15 مليون سائح وده رقم ما اتحققش قبل كده ومتوقع يدخل عوايد بحوالي 15 مليار دولار وعندك كمان قناة السويس اللى بتشهد نمو كبير في الإيرادات واخر رقم ملعن لرسوم العبور كان حوالى 10 مليار دولار 
وفيه كنز مهم جدا وهو اعلى مصدر بيدخل عملة صعبة للبلد الحكومة أهملت فيه جدا وادى أدى لتراجع العوايد الجاية منه وهو ملف تحويلات المصريين في الخارج واللي فيه أيادي خفية وعصابات بتلعب فيه في الفترة الأخيرة وناس بتشترى العملة الصعبة من اللى شغالين بره وبتبعتها لأهلهم وأسرهم هنا بالمصري والبنك المركزي بالتنسيق مع الحكومة طرح أوعية ادخارية وشهادات استثمار مقومة بالدولار وبسعر فايد مرتفع في محاولة لاستقطاب تحويلات المصريين في الخارج.
كمان ندن الصادرات المصرية والدولة عندها خطة للوصول الى حلم ال 100 مليار دولار وده واحد من اهم الملفات اللى عاوزة شغل كتير الفترة الجاية لأن تحقيق 100 مليار دولار في السنة هيحل مشكلة نقص العملة وهيخلى فيه وفرة في النقد الأجنبي
وكل ده في الاخر هيساعد مصر تهرب من مصير الأرجنتين وهيقوي من قيمة الجنيه المصري.