11 نصيحة مهمة قبل استخدام تطبيق انستاباي
انستاباي InstaPay هي خدمة إلكترونية تمكنك من تحويل الأموال على الفور من البنك أو المحفظة الإلكترونية إلى بنك آخر والتطبيق متاح بسهولة في تطبيقات الهاتف المحمول للبنوك الشريكة والمحافظ الإلكترونية.
وقم بتسجيل الدخول إلى انستاباي أو تطبيق الخدمات المصرفية عبر الإنترنت أو عبر تطبيق الهاتف المتحرك للمحفظة الإلكترونية وانقر على "إرسال" أو "تحويل" الأموال وحدد البنك أو الأموال الإلكترونية من القائمة واختر الحساب الذي ترسل منه وأدخل المبلغ وتفاصيل المستلم ثم أدخل رقم التعريف الشخصي أو رمز المرور لمرة واحدة (OTP) الذي تم إرساله لهاتفك المحمول.
ويضاعف InstaPay QR Ph سهولة وسرعة دفع مشترياتك وعندما تقوم بشراء البقالة ، أو تشتري عبر الإنترنت ، أو تدفع فاتورة مطعمك ، ما عليك سوى مسح رمز QR Ph ، ثم أدخل المبلغ المراد دفعه ورقم التعريف الشخصي الذي تم إرساله مرة واحدة إلى هاتفك المحمول وفي ثوان ، تنتهي عملية الدفع.
وبما أن هناك أخطاء يقع فيها البعض عند استخدام تطبيق انستاباي، نرصد 11 نصيحة مهمة تجنبا لارتكاب أي أخطاء عند استخدام انستاباي:
1- بعد ماتسجل في انستاباي سجل عنوان الدفع والرقم السري عندك علشان لو غيرت موبايلك أو حصل أي شيء تلاقي بياناتك موجودة وتعمل تسجيل دخول من تاني بكل بساطة
2- افهم البرنامج صح أو خلي حد يشرحلك ويفهمك ايه هو انستاباي وبعدين ابدأ حول متدخلش تجرب وتيجي محول بالغلط .. دي فلوس مش ورق.
3- قبل ماتحول لازم تتأكد من صحة البيانات سواء محفظة الكترونيه أو حساب بنكي أو عنوان دفع انستاباي.
4- لو هتحول على محفظه الكترونيه أو عنوان دفع انستاباي بيظهر الإسم قبل التحويل بس لازم تتأكد ان الشخص دا عنده محفظة أو عنوان دفع شغالين ولا لأ مش مجرد مايظهر الإسم قدامك تيجي محول وبعدين تيجي تقول حولت بالغلط أو حولت وطلع معندوش محفظة أو عنده محفظة ومتفعلتش .. لأ أتأكد من الشخص نفسه الأول.
5- لو هتحول لحد أول مرة جرب في مبلغ صغير مثلاً جنيه واحد إذا وصل سجله في المفضله هتلاقي نجمه جمب الإسم إضغط عليها واحفظه، وحوله باقي المبلغ.
6- قبل ماتدوس تأكيد راجع البيانات كويس مره واتنين ومتستعجلش وخلي حد يراجع معاك.
7- لو جالك تحويل بالغلط ولقيت قدامك عنوان دفع انستاباي بدون تفكير حول المبلغ علي نفس الإسم تاني بس اكتب البيانات صح الله يكرمك بدل ماتبعتهم بالغلط انته كمان.
8- لو اللي محولك بالغلط معندوش عنوان دفع انستاباي ومفيش أي بيانات له قدامك ، اعمل اقصي جهدك انك تحاول توصل للشخص دا وترجعله فلوسه أو تتصل بالبنك المهم تعمل اللي عليك.
9- انستاباي مش بيحول خارج مصر بيحول محلي داخل البنوك في مصر فقط، وممكن تستخدمه بنفسك وانت خارج مصر عادي.
10- انستاباي مش حساب دا مجرد أداة لإدارة حساباتك بدل من ابلكيشن البنك، وبيحول 400,000 ألف جنيه شهري و120,000 ألف جنيه يومي.
11- انستاباي مش بيخصم فلوس على التحويل حتى نهاية 2023.
