اجراء عاجل بخصوص سيارات المصريين فى الخارج.. أخيرا الحكومة اتحركت
من وقت اعلان الحكومة عن السماح للمصريين العاملين فى الخارج باستيراد سارة معفاة من الجمارك والرسوم مقابل وديعة بالدولار تتحط فى حساب لوزارة المالية وتتسحب بعد 5 سنين ومفيش اى تحرك سريع بيحصل على الارض ورغم ان عدد كبير من العاملين فى الخارج دخلوا وسجلوا بياناتهم على موقع الوزارة للاستفادة من المبادرة لكن الموضوع كان متعطل شوية.. بس النهاردة حصل تطور جديد ومهم ممكن يسرع من الحركة شوية.. فيا عترى ايه اللى حصل ؟وازاى هيأثر على وضع المباردرة؟
مجلس لوزراء وافق فى الساعات الأخيرة على السماح للحاصلين على أوامر دفع بمبادرة «تيسير استيراد سيارات المصريين بالخارج» وعددهم حوالى ٨٤ ألف، بإنهاء إجراء التحويل البنكي من الخارج خلال شهر، وسداد قيمة الوديعة المقررة، للحصول على الموافقة الاستيرادية، واستكمال باقى الإجراءات اللازمة لاستيراد سياراتهم.
وأعلنت المالية بدء إجراءات استرداد فروق الضريبة الجمركية للناس اللى سددوها بنسبة ١٠٠٪ قبل خفضها بنسبة ٧٠٪ عن طريق حساب بنكي بالدولار في مصر أو في بلد الإقامة وفقا لاختيار العميل.
وكشفت الوزارة ان صلاحية «الموافقة الاستيرادية» لشحن واستيراد السيارات تمتد إلى ٥ سنين وان الضريبة الجمركية المخفضة سارية طوال فترة صلاحية «الموافقة الاستيرادية»، ويحق للمالك الأول يستورد السيارة دون التقيد بسنة الصنع، لكن غير المالك الول مينفعش يتجاوز ٣ سنين وقت الإفراج الجمركي.
ولازم نكون عارفين ان وزارة المالية ملتزمة بسداد ودائع المصريين بالخارج المستفيدين من مبادرة تيسير استيراد السيارات، في المواعيد المقررة بسعر الصرف وقت استحقاقها؛ باعتبارها «التزام على الخزانة العامة»، واللى عاوز يسحب المبالغ المحولة من حسابه، لصالح وزارة المالية، والخروج من المبادرة بعد مرور سنة من تاريخ الموافقة الاستيرادية، بيتقدم بطلب على المنصة الإلكترونية، وهيحصل عليها بسعر الصرف وقت الاسترداد خلال ٣ شهور،
ووزارة المالية أعلنت قبل كده ان فيه «سند استحقاق» من الوزارة على الخزانة العامة للمواطنين المقيمين بالخارج بقيمة المبالغ المحولة لحساب وزارة المالية بالبنك الأهلى المصرى.
