لو بيعت ذهب دلوقتي هاكسب.. يا ترى دا حقيقي

من شوية نشرنا بأن سعر الذهب ارتفع بمقدار 110 جنيها، مقارنة بمستواه في نهاية تعاملات أمس.

وكمان عيار ٢١ وصل ل 2310 جنيه للجرام.

وقولنا أن سبب زيادة أسعار الذهب هو ارتفاعه عالميا.

سؤال بقى هل الناس اللي اشترت ذهب من فترة لما كان ب ١٨٠٠ جنيه هاتكسب لو باعته دلوقتي.

هو عمليا هاتكسب الفرق بين الاتنين بس تقدر كدا تعتبره مكسب وهمي.. ودا لأن الذهب استثمار متوسط إلى طويل الأجل.. ودوره أنه يحفظ قيمة فلوسك.

لأنك لو بيعت وبقى معاك فلوس وركنتها.. الزمن هايجري وقيمة الفلوس هاتنخفض.. الذهب تبيعه لما تكون في ظروف صعبة ليس إلا.