محنة الحكومة.. امتى التعويم يبقى انتحار وامتى يبقي ضرورة
كل الطرق بتوصل لتعويم جديد الجنيه المصري.. امتى يبقي التعويم خطر وملهوش لأزمة وامتى يكون ضرورة ملحة وامتي يكون زي عدمه وازاي الدولة متوازن لين التعويم والتضخم والأسعار وخوف الناس من اللي هيحصل
تقريبا فيه شبه إجماع بين خبراء الاقتصاد على ضرورة تعويم الجنيه المصري لنخفيف الضغط على الاقتصاد و على البنوك بشكل كبير و شايفين دا هيساهم بشكل كبير فى حل العجز فى الميزان التجارى و المالي يبقي لازم نعمل تعويم ومن غير تأخير اكتر من كده.
طيب هو ينفع المركزي يعوم الجنيه وخلاص.. لا طبعا لأن التعويم من غير تأمين دولارات وبمبالغ كبيرة و توفيرها فى البنوك حيكون بمثابه انتحار اقتصادي وتحمل أعباء التعويم من غير فايدة وممكن سعر الصرف ينهار بشكل كبير وهنا يبقى مش لازم تعويم لأن ضرره اكبر من نفعه .. طيب لو الدولة قررت تعوم الجنيع إيه اللي هيحصل.. اكيد طبعا هيحصل موجة تضخمية جديدة و ركود اكبر للسوق و الناس مش مستحملة و الوضع حيكون اصعب.
طيب الدولة هتجيب دولارات منين عشان تعوم الجنيه.. سوف حضرتك علشان توفر دولارات انت محتاج تبيع الشركات بسرعة في برنامج الطروحات الحكومية وتتخارج من النشاط الاقتصادى وتسبب القطاع الخاص ياخد فرصته كاملة وبكده المستثمرين يضخوا دولارات في القطاع الاقتصادي لأن وجود سعرين للدولار مأساة بالنسبة لأي مستثمر لأنه مش هيعرف يحسب مكسبه وخسارته على أنه سعر فلازم الجنيه يكون ليه سعر واحد حقيقي وهنا الدولة محتاجه تحرر سعر الصرف يعني تعمل تعويم .
من الواقع الاقتصادي والمالي على الأرض الدولة بين خطرين أصعب من بعض وهو إن الوضع بيتفاقم ومحتاجين نعمل تعويم علشان يجى استثمار أجنبى مباشر و غير مباشر أو الاتجاه للسلف والقروض وفي نفس الوقت الاسواق العالمية حاليا معندهاش شهية للمخاطر و الاسعار الفائدة حتكون عاليه جدا وحد يوافق يسلفك زيك زى الأسواق الناشئة كلها نتيجة اسعار الفايدة الأمريكية .
واضح كده إن الحكومة في مأزق صعب جدا وبتدور في دائرة عصيبة بين مخاطر التعويم ومخاطر التأخير في تحرير سعر الجنيه بشكل كامل والايام الجاية هتحدد المصير اللي هتختاره الحكومة.
