صراع العمالقة.. سر اقبال البنوك المركزية على شراء الدهب

يا ترى ليه البنوك المركزية فى العالم كله بتشترى دهب بكمبات ضخمة؟ وايه علاقة ده بأزمة الدولار؟ وهل اللي حصل من امريكا مع روسيا هو السبب؟ وايه تاثير ده على أسعار الدهب فى الفترة الجاية؟ 

وفقا لبيانات صادرة عن مجلس الذهب العالمي البنوك المركزية سجلت أعلى مستوى ليها على الإطلاق في الطلب على الذهب خلال النص الأول من 2023 وده بالرغم من انها أبطأت مشترياتها في الربع التاني اللي شهد انخفاضً في الطلب العالمي على الذهب بنسبة 2٪ على أساس سنوي.
و مجلس الذهب العالمي عبارة عن منظمة عالمية متخصصة في سوق الذهب ز تهتم بكافة جوانبه بداية من تعدين الذهب انتهاءا بالاستثمار في القطاع، وتسعى إلى تحفيز ودعم الطلب على المعدن النفيس وبينشر بشكل مستمر الأبحاث اللى بتدل على قوة الذهب كمحافظ للثروة - سواء بالنسبة للمستثمرين أو للدول.

ووفقا للبيانات اللى تم نشرها مؤخرا انخفض الطلب العالمي على المعدن النفيس مع استبعاد التعاملات خارج البورصة 2% على أساس سنوي ووصل الى مستوى 920.7 طن في الربع التاني من العام الجارى مع تباطؤ مشتريات البنوك المركزية واستمرار ضعف استهلاك قطاع التكنولوجيا
وفي تقريره الفصلي حول اتجاهات الطلب أكد مجلس الذهب العالمي ان الطلب فضل قوي بين أبريل ويونيو من شركات صناعة الحلي، اللى بتمثل حوالي نصف الطلب على المعدن، والمستثمرين اللى شايفين فى الدهب ملاذ آمن في أوقات عدم الاستقرار العالمي وده دعم ارتفاع الأسعار.

وقفز الطلب لأعلى مستوياته في 11 عام في 2022 بفضل تسجيل البنوك المركزية أكبر مشترياتها على الإطلاق. 
واشترت البنوك المركزية 386.9 طن من الذهب في النص الأول من 2023 وهو أكبر حجم مشتريات ليها خلال الفترة من يناير إلى يونيو في أي عام من سنة 2000 ولحد دلوقتي
وارتفعت مشتريات السبائك والعملات الذهبية وكانت تركيا محرك رئيسي للنمو فى الوقت اللى تباطأ فيه  تخارج المستثمرين من الصناديق المتداولة بالبورصة.
وبحساب التعاملات خارج البورصة اللى بتجري بين البائعين والمشترين بشكل مباشر نما الطلب العالمي على الدهب 7%  إلى 1255.2 طن في الربع التاني.