مكاسب خيالية من شهادات البنك العربي الإفريقي.. ازاي تعمل ثروة في 3 سنين

صراع الجنيه المصري مع الدولار الأمريكي وصل لمراحل متقدمة يعني قربت المواجهة تنتهي لصالح الجنيه في النهاية واخر ورقة نزلت بيها البنوك لإخضاع الدولار كانت طرح شهادات دولارية بقيمة مرتفعة وغير مسبوقة وكمان مفاجأة البنك العربي الافريقي.. ايه مردود الشهادات دي والمتوقع منها وازاي هتغري العملاء وأصحاب المدخرات وقيمة المكاسب اللي هيحصلوها تخليها اكبر من المخاطرة في أسواق غير شرعية
 
 

زي ماقلنا البنوك وجهت ضربة قوية للسوق السودا للدولار وفي نفس الوقت قدمت حافز لا يرفض لاصحاب المدخرات من العملة الأجنبية اللي شايلينت سواء في البنوك أو في البيوت واعلن بنك مصر والأهلي المصري إصدار شهادات بالدولار بعائد 7 و9% لمدة 3 سنوات وبمجرد إعلانها حصل ارتباك كبير في سوق الدولار الموازي والبنوك توقعت جمع اكتر من 7 مليار دولار من أي ايرادات الشهادات الدولارية الجديدة وكمان اضعاف السوق السودا وجذب الأموال من مناطق كانت بعيدة عن البنوك الرسمية للدولة ودا هيساهم في السيطرة على سعر الدولار في السوق.
كمان البنك العربي الأفريقي الدولي في مصر، أعلن مفاجأة يوم الأربعاء اللي فات وطرح شهادة ادخار جديدة بالجنيه المصري، مدتها بردوا 3 سنوات، بعائد تراكمي 40 بالمئة يصرف مقدما ودا عائد لا يمكن يترفض لأنه عائد غير مسبوق

وزي ما أعلن البنك  الحد الأدنى للاكتتاب في الشهادة الجديدة 5 آلاف جنيه ومضاعفات الألف، ودون حد أقصى للأموال ولا يمكن كسر الشهادة قبل مرور 6 أشهر ومتوقع إن الشهادة الجديدة تشهد إقبالا غير مسبوق لأن عامل المكسب فيها كبير جدا ومقرب على النص تقريبا ودا بيفوق أي وعاء استثماري تاني وبالإضافة إنه مضمون من البنوك ومفيهوش أي عامل مخاطرة وعشان تعرف قد ايه الشهادة الجديدة من العربي الإفريقي مربحة هضربلك  مثل بسيط لو حطيت 100 ألف جنيه وحبينا نحسب إعادة ربط العائد من جديد في نفس شهادة البنك، هتلاقي إن الـ 100 ألف جنيه هتكسبك عائد 65 ألف جنيه في 3 سنوات بمتوسط عائد سنوي 21.6% هنقولك إزاي..

لو افترضنا إن قيمة الوديعة 100 ألف جنيه وبحساب العائد في 3 سنوات على 40% هيبقى حجم العائد على 40 ألف جنيه تصرف مقدما وعند إعادة ربط الـ 40 ألف جنيه بعائد 40% في 3 سنوات هاديك عائد 16 ألف جنيه وعند إعادة ربط الـ 16 ألف جنيه بعائد 40% في 3 سنوات تمنحك عائد  6400 جنيه وعند إعادة ربط الـ 6400 جنيه بعائد 40% في 3 سنوات هتديك 2600 جنيه حسب تفاصيل الشهادة

ولما نيجي نجمع صافي الحساب بحسب بسيطة هتلاقي إن حصيلة جمع الـ100 ألف جنيه + 40 ألف جنيه + 16 ألف جنيه + 6400 جنيه + 2600 جنيه هتساوي 165 ألف جنيه وهي قيمة المبلغ الأساسي 100 ألف جنيه زائد العائد 65 ألف جنيه ودا معناه  تحقيق عائد نسبته 65% على أصل المبلغ وعند قسمته على 3 سنوات هيصبح متوسط العائد 21.6% ودا أعلى  عائد بين البنوك المصرية حتى الآن ودا على حسبة ال100 ألف جنيه فتخيل لو الحسبة كانت على مليون جنيه او اكتر حجم العائد هيكون ضخم بشكل غير مسبوق.
وممكن حد يسأل ليه البنك بيمنح العائد دا كله وايه مكسبه .. شوف حضرتك اي بنكمش بيعلن على اي منتج عنده إلا لما يكون حاسبها كويس وأكيد عنده مشروعات سريعة الربح هتمكنه إنه يشغل فلوس الشهادات دي بسرعة عشان يجيب الأرباح وقيمة الوديعة الأصلية وهو بيكسب في نفس الوقت يعني الكل كسلان.