أرقام استثنائية ووزير استثنائي.. ماذا حدث في قطاع السياحة

في دنيا المال والاعمال والاقتصاد اللغة الرسمية الوحيدة المعترف بيها هي لغة الأرقام والمكاسب ولما تكون الأرقام قياسية يبقى فيه قيادة احترافية وفكر مختلف وعقلية لاتمام.
قطاع السياحة في مصر واحد من القطاعات اللي حققت معجزة حقيقية في وقت قصير جدا شهور معدودة وقفزت الإيرادات من 4 مليار دولار في 2020 إلى حوالي 11 مليار دولار في 9 شهور حسب بيانات المركزي المصري ومتوقع لاخر السنة توصل أو تقرب لحاجز 15 مليون سائح ودي لغة الأرقام اللي مش بتجامل.

وهنستغرب لما تعرف أن وزير السياحة أحمد عيسى تنبأ بتحقيق الأرقام دي من شهور وبعد ماتولى حقيبة الوزارة في شهر أغسطس اللي فات وقال نصا هنوصل إلي 15 مليون سائح .. ولو رجعنا لائم احمد عيسى هنعرف إنه وزير استثنائي في قطاع السياحي لأنه وزي. من خارج القطاع ودي ظاهرة نادرة لكن اللي يعرف عيسى وتاريخه والمدرسة اللي جاي منها مش هيستغرب لأنه ابن مدرسة البنك التجاري الدولي أحد أهم مدارس القيادات والكفاءات في مصر والمنطقة وبدأ مسيرته المهنية عام 1993 في أحد فروع البنك التجاري الدولي وتدرج في المناصب القيادية والحساسة في مؤسسة البنك التجاري الدولي لغاية ما وصل لمنصب الرئيس التنفيذي لقطاع التجزئة المصرفية.
وبمجرد ما حلف اليمين أمام الرئيس السيسي وزير ا للسياحة  ثارت التساؤلات حول علاقة عيسى المصرفي بالقطاع لكن المفاجأة إن الوزير كان على علم بكل تفصيلة من تفاصيل القطاع ومشاكله وحلولها كمان ولما أعلن عن توقعاته للإيرادات المتوقعة ناس كتير ما صدقتش لكن طبيعة رجل المصارف كانت مختلفة ولأنه ابن مدرسة محترفة في العمل والتفكير خارج الصندوق وقدر يحقق إنجازات غير مسبوقة في تاريخ القطاع وفي شهور قليلة جدا وكانت الإيرادات السياحية من الدولار طوق النجاة في الصراع مع الدولار وخفض العجز التجاري للدولة بجانب كفرة في عدد الشركات السياحية واللي وصل عددها ل2200 شركة في القطاع بتشغيل ملايين الشباب.
وهنستغرب اكتر لو عرفنا إن كل الانجازات في قطاع السياحة اللي اتحققت لغاية دلوقتي لاتعبر عن طموح عيسى لمستقبل القطاع وإن الأرقام دي هتضاعف اكتر من مرة في المواسم الجاية وكفاية تعرف إن الوزير بيبنى 500 ألف غرفة فندقية جديدة لاستيعاب حجم التدفق السياحي لمصر بعد ما الغرف كلها كانت محجوزة في الموسم الحالي وعشان نعرف الرقم ضخم ازاي عدد الغرف السياحية في مصر كلها 210 ألف غرفة فندقية  ودا بجانب مشروعات سياحية جديدة هتقفز بالايرادات لاكتر من 50 مليار دولار زي افتتاح المتحف المصري الكبير وتنوع المنتج السياحي والاكتشافات الجديدة.
لأن احمد عيسى ومن غير مجاملة وزير استثنائي فالارقام جت استثنائية واللي جاي كله استثائي لأن لغة الأرقام لاتعرف المجاملة.