هل ممكن البنك المركزي المصري يرفع نسبة الفايدة تاني؟؟ وامتى ممكن دا يحصل؟؟
الجمعة 28/يوليو/2023 - 03:24 ص
البنك المركزي المصري هايعقد جلسة يوم الخميس المقبل .. علشان يبحث أمر سعر الفايدة على الإيداع والإقراض.. ودا بعد قرار الفيدرالي الأمريكي برفع نسبة الفايدة امبارح بمقدار 25 نقطة أساس.. ودي تعتبرة المرة الـ 11 اللي يرفع فيها الفيدرالي نسبة الفايدة بداية من مارس اللي فات.
الخبير المصرفي، محمد بدره.. توقع في تصريحات صحفية أن البنك المركزي هايرفع سعر الفايدة بمقدار 1% في اجتماع لجنة السياسة النقدية يوم الخميس القادم، ودا بعد قرار الاحتياطي الفيدرالي (البنك المركزي الأمريكي) برفع الفائدة على الدولار، لأن دا بيرفع من قيمة العملة الأمريكية أمام العملات التانية.. وبالتالي كلفة الاستيراد بتزيد.
والتوقعات الاقتصادية بتقول إن البنك المركزي علشان يواجه التضخم اللي بلغ 41%,, هايكون مضطر لأنه يرفع تاني معدل الفايدة في الاجتماع الجاي.
