حسابك اتسرق منه فلوس.. يا ترى البنك هايسددلك المبلغ المسحوب
الخميس 27/يوليو/2023 - 01:38 ص
في حالتين للسرقة من حسابك.. وهو إما أن حد سرق منك كلمة سر الدخول لحسابك وخد فلوس من حسابك.. فدا وقتها بتبلغ البنك فورًا واللي هايغير كلمة السر.. بس من الصعب أن فلوسك تيجي لو أنت ماتعرفش الشخص.. لكن من حقك تعمل بلاغ برضوا.
لكن في حالة تانية ممكن تتسرق فيها.. وهي أن موظف في البنك سحب فلوس من إيداعات العملاء..
يعني وأنت قاعد في أمان الله لقيت حسابك اتسرق منه فلوس.. وقتها البنك هايكون ملزم بأنه يسددلك المبلغ.. لأن أنت مالكش دعوة بالمشاكل اللي في البنك.. أنت ليك أن فلوسك تاخدها.
المهم خليك حريص أن ماحدش يعرف كلمة السر بتاعتك.. علشان دي وسيلة الحرامي في أنه يسرقك.. وعلى العموم هو مايقدرش يسحب أكتر من 20 ألف.. إنما في حالة البنك فأنت في أمان لأن مستحيل البنك مايردش ليك أي فلوس اتاخدت من حسابك اتسرقت من خلال موظف مش شريف مثلًا.
