تجيب دولارات منين وازاي لو مسافر برة مصر؟

لو أنت مسافر برة مصر.. أكيد هاتحتاج دولارات علشان تصرف منها..

وعلشان يكون معاك دولارات علشان السفرية.. لازم تروح الأماكن دي علشان تاخد الفلوس

خليني أقولك.. أنك ممكن تاخد دولار من البنوك وشركات الصرافة ومنها الأهلى للصرافة

بالنسبة لو أنت عايز دولارات من أحد فروع البنوك.. فأنت هاتروح فرع البنك اللى بتتعامل معاه قبل السفر بـ48 ساعة.. ولازم يكون لك حساب فى البنك اللى بيدبر لك الدولار ويكون مر على تاريخ فتح الحساب 6 أشهر على الأقل.

كمان لازم يكون معاك جواز السفر وتذكرة الطيران وتأشيرة الدولة Visa اللى هتسافر لها.. ودا علشان تثبت للبنك أنك محتاج الدولارات.

في بنوك ممكن تديك من 200 دولار وحتى ألف دولار وكله حسب البنك اللي أنت بتتعامل معاه طبعًا.. وخلي بالك بعض البنوك بتختم جواز السفر بأنك أخدت دولار فى تاريخ محدد.