هاتدفع ضرائب لما تأجر "شقتك".. ولو مابلغتش هاتتعرض للمساءلة القانونية
لو أنت عندك شقة وعايز تأجرها ومابلغتش الحكومة بأنك هاتأجرها.. فأنت هاتتعرض للمساءلة القانونية.
والكلام دا مش كلامنا.. الكلاام قاله الدكتور " فايز الضباعني" رئيس مصلحة الضرائب ".. واللي أكد أن اللي عنده وحدات سكنية أو عقارات سكنية أو محلات وبيأجيروها سواء إيجار محدد المدة أو إيجار مفروش، فلازم يبلغوا المأمورية المختصة بالموضوع، ودا لأن الإيرادات المحققة من التأجير بتخضع للضريبة على إيرادات الثروة العقارية.
والمأمورية المختصة هي مأمورية ضرائب التفتيش على المصالح الحكومية اللي في محافظتك.
وكمان رئيس مصلحة الضرائب أكد أن اللي عنده شقة ملك ومابلغش بتأجيرها فهو هايتعرض للمساءلة القانونية.
والكلام دا وفقًا لقانون الإجراءات الضريبية الموحد رقم 206 لسنة 2020.. واللي بيلزم كل مالك أو منتفع بعقار أن يُخطر مأمورية الضرائب المختصة خلال 30 يوم من تاريخ التأجير.
وبالمناسبة لو أنت مافتحتش ملف ضريبي عن الإيرادات الناتجة عن التأجير والإقرار عنها في إقرار ضريبة الدخل السنوية بيعتبر صورة من صور التهرب الضريبي.. وهايقع عليك غرامات وتتعرض للمساءلة القانونية فالأحسن أنك تبلغ.
