هاتدفع ألف جنيه كل شهر.. وتشتري شقة بواسطة بنك ناصر

التمويل العقاري في بنك ناصر غير كل البنوك.. ودا علشان هو بيقدم تمويل ميسر وبسعر فايدة معقول وفي المتناول.

أنت عارف أنك تقدر تشتري شقة وبنك ناصر يدفعلك حسابها بس الأول تقدم في صندوق التمويل العقاري ودا ضمن مبادرة التمويل العقاري.

وعلشان تاخد تمويل عقاري من بنك ناصر فلازم الدخل الشهري الخاص بيك يكون الحد الأقصى لدخلك 4200 جنيه للفرد أو 5700 جنيه لو عندك للأسرة.

وماتقلقش سعر  الفايدة لما تاخد التمويل هو 7%.

أنت هاتساهم  ب 10% بحد أدني من قيمة الوحدة أو 40% بحد أقصي من قيمة الوحدة السكنية ودا وفقا لما يحدده صندوق ضمان ودعم نشاط التمويل العقاري.

والقسط اللي هاتدفعه للبنك بتصل إلى 20 سنة.. بس  بشرط أن سنك مايقلش عن21 سنة وما يزيدش عن 50 سنة.

والتمويل العقاري هاتستلمه بشرط أن مايكونش عند الزوج أو الزوجة أو الأبناء القصر أي وحدة سكنية ومايكونش سبق لهم الحصول على وحدة سكنية مدعومة أو قطعة أرض أو قرض تعاوني.