موعد هبوط الذهب بأرقام قياسية هايكون في الوقت دا.. استغل الفرصة
بداية من الأسبوع الجاي هاترتفع بشدة معدلات عودة المصريين المقيمين في الخارج.. وطبعًا هما مش هايجوا وأيديهم فاضي.. دول جايين ومعاهم كمية دهب كبيرة ودا علشان يستغلوا إعفاء الذهب من الرسوم.
وزي ما قولنا من فترة إنه إحنا في اتجاه تراجعات على أسعار الدهب خلال الفترات الجاية بسبب عودة المصريين من الخارج.
والاسبوع دا احنا سجلنا تراجعات على عيار ٢١ ب ٤٥ جنيه، من ٢٢٢٠ إلى ٢١٧٥، ودا هيستمر، وبُمعدلات أكتر مع استمرار توافد العاملين في الخارج، والإسبوع ال قبله كان عند مُستوى ٢٢٩٠.
ولو حضراتكم خدتم بالكم السوق تلقى صدمة كبيرة الاسبوع الجاري مع بدء تطبيق قرار زيادة المصنعية ١٠٪ بسبب الضريبة الجديدة، ورغم كدا استمر النزول، في ذات الوقت ال الدهب فيه بيسجل ارتفاعات في الأسواق العالمية.
يعني نقدر نقول أن الأربع أسابيع القادمة هاتكون ذروة انخفاض أسعار الذهب في مصر ودا لأن موسم العطلات بدأ والمصريين هاينزلوا بكميات كبيرة من الذهب.
خلو بالكم بعد الأسابيع اللي إحنا فيها دي احتمال أسعار الذهب عالميًا تزيد.. والكلام دا قاله خبراء متخصصين.. فخليكم حريصين على شراء الذهب الفترة دي والجاية.
