معجزة أحمد عيسى في السياحة.. الأرقام لاتجامل الرجال

على أهل العزم تأتي العزائم.. وعزم الرجال يغير الأقدار.. وفي لغة الأرقام.. فكر + قدرة على التنفيذ يساوي إنجاز .. واللي عاش طول عمره ربان في عالم الأرقام والبيانات والنتائج مايعرفش مجاملة ولايعترف بحظ.. طريقهم كله بيقي علامات وانجازات.. 
في وقت تغير الدماء بقادة جدد بفكر مختلف وتحقيق نتائج ملموسة برز اسم أحمد عيسى أبو حسين، الرئيس التنفيذى لقطاع التجزئة المصرفية بالبنك التجارى الدولى، واللي كان اختياره وزيرا للسياحة والآثار محل تساؤل وقتها بسبب ابتعاد الاختصاصات وناس راهنت على الفشل لكن اللي اتعود طول عمره على تحقيق الأرباح والقفزات مفيش في قاموسه كلمة «معلش».

في 13 أغسطس 2022 وافق مجلس النواب على تعيين أحمد عيسى طه عيسى أبو حسين، الرئيس التنفيذى لقطاع التجزئة المصرفية بالبنك التجارى الدولى، وزيرا للسياحة الآثار.
وبعد 10 شهور من توليه منصبه ظهرت علاماته واللي بتأكد إنه شخصية قيادية فريدة وكله بالأرقام.. ايرادت السياحة حققت مواسم تاريخية والنهاردة الايردات داخلة على 15 مليار دولار وتوقعات إنها توصل 18 مليار دولار وهي أرقام عمر القطاع ماشافها ولا حققها ودي مجرد بداية زي ماقال عيسى لأنه مخطط لأبعد من كده بكتير وإنها توصل 30 مليار دولار في 2023 وبعدها 100 مليار دولار ودا مش كتير على مصر اللي عندها مقومات سياحية وترفيهية محدش عرف يكتشفها غير أحمد عيسي.

مطلوب 500 ألف وحدة فندقية جديدة ودا المشروع اللي هيقلب الموازين في قطاع السياحة زي ماقال عيسى لأن مفيش تدفق سياحي من غير بنية تحتية قوية وفي مقدمتها الفنادق المتميزة اللي بيقيم فيها السياح وقت زيارتهم.

ونرجع للغة الأرقام ونقول إنه رغم مرور شهور قليلة على تعيينه وزير للسياحة لكن في عهده كانت الأرقام القياسية واستقبلت مصر 7 ملايين سائح في أول 6 شهور في 2023 وهو الأعلى في تاريخ مصر السياحي وبأخر السنة هيوصل العدد 15 مليون سائح بزيادة تقريبا النص عن أرقام 2022.

وحسب أرقام أحمد عيسى متوقع ارتفاع أعداد السائحين إلى مصر في 2024 لـ 18 مليون سائح بعد تطوير وتحديث البنية التحتية السايحية في مصر.

ليه عيسى غير شكل السياحة في مصر وخلاها تنطلق.. عشان عمله في قطاع المصارف علمه حاجة مهمة جدا التخطيط الصحيح بيحقق نتائج حقيقية... وعيسى  الحاصل على الماجستير فى إدارة الأعمال فى جامعة كارولينا الشمالية بأمريكا، وحصل على الدرجة عام 2003، واللي اتعين كأول رئيس لإدارة التخطيط الاستراتيجى بالبنك وبعدها الرئيس التنفيذى لقطاع التجزئة المصرفية في البنك التجارى الدولى، اجتاز دورات رفيعة في إعداد القيادات والتخطيط الاستراتيجي والتمويل.. ودي سر خلطة المصرفي الكبير التخطيط الاستراتيجي واللي طبقه في قطاع السياحة وحقق ولسه بيحقق فيها طفرات غير مسبوقة خلت مصر مع الكبار في قطاع السياحة زي فرنسا وأسبانيا.