مفاجآت مدبولي وقرارات الحكومة الجديدة هتقلب الموازين في مؤتمر النهاردة

مصر كلها مستنية بكرة يجي بفارغ الصبر ومش مصر بس دا كمان صندوق النقد الدولي ووكالات التصنيف والصناديق السيادية في المنطقة كلها والمستثمرين الأجانب والبورصات بالشرق الأوسط.. ياترى الدكتور مدبولي هيقول إيه النهاردة  للمصريين وهل فيه مفاجآت وقرارات جديدة هتفرخ المصريين.

مؤتمر صحفي للدكتور مصطفى مدبولي رئيس مجلس الوزراء 

زي ما قالت الحكومة بكرة فيه مؤتمر صحفي للدكتور مصطفي مدبولي رئيس الحكومة، وهيعلت خلاله تفاصيل صفقات جديدة في ملف الطروحات الحكومية وبيع حصص بعض الشركات وأخر تطورات الملف، وأكيد الحكومة مش هتعمل مؤتمر عشان تقول أي كلام وأكيد فيه صفقات تمت بالفعل بجانب أخبار تانية كتير كويسة طالع رئيس الحكومة يبلغها للشعب.

متوقع إن الدكتور مدبولي يقول تفاصيل الصفقات والتفاوض مع الصناديق الخارجية والمشترين وإزاي الأسعار اللي هيقولها دي كانت أعلى حاجة، وكمان أكيد هيتكلم على أزمة الدولار وتطورات سعر الصرف وهنا ممكن رئيس الحكومة يعلن عن مفاجآت سارة للمواطنين ويعلن عن بداية انتهاء الأزمة رسميا، وكمان أكيد مدبولي هبطرق في كلامه عن أخر تطورات المفاوضات مع صندوق النقد الدولي ومصير الشريحة التانية،واحتمال كبير يعلن عن مفاجاة بخصوصه.. وكمان موضوع التعويم هيكون مطروح بقوة على مائدة مدبولي واللي ممكن يكون فيه مفاجآت من العيار التقيل.

التضخم 

رئيس الوزراء متوقع يتكلم بردو عن أرقام التضخم العالية وإجراءات لحكومة لكبح جماح الأسعار واللي وصلت للذروة في يونيو اللي فات مع موسم الأعياد وأكيد هيعلن عن اجراءاات سارة كتير بخصوص أسعار السلع في الفترة الجاية، وإيه السلع اللي أسعارها ممكن تنزل الفترة الجاية ومعاد الانفراجة الكبرى في الملف الاقتصادي كله، يعني باختصار الدكتور مدبولي بكرة هيقولنا احنا واقفين فين وبينا وبين نهاية المعاناة اللي فيها البلد قد إيه.

المعلومات اللي طالعة من دهاليز الحكومة بتقول إن الدكترو مدبولي عنده أخبار حلوة كتير وأسرار هيقولها بكرة، وهتكون ليها أثر في المنطقة كلها وفي الملف الاقتصادي بالذات وكمان هتستعيد الثقة في قدرات الدولة المصرية، واحتمال إعلان عن ملف شامل للطروحات في بقية الشركات الحكومية بهدف تطويرها وتحديثها وضخ أموال بالعملة الصعبة في البلد، وخلو بالكم ونرجع نفكركم إن برنامج الطروحات مش بيبيع شركات لكن بيبع اسهم وحصص في الشركات زي ما جصل في المصرية للاتصالات واللي باع منها 10% بس وطلعت الناس قالت إن الحكومة باعت الشركة كلها ولازم نخلي بالنا إن الكلام هيكتر الفترة  الجاية في التشكيك في الدولة والحكومة مع انفراجة أزمة الدولار وتحسن سوق المال لأنه باختصار محدش عايزك تخرج من اللي انت فيه.