ازاي احتياطي الدولار بيزيد وعندنا أزمة نقص عملة؟.. هنقولك السر

من كام يوم البنك المركزي أعلن عن حجم الاحتياطي النقدي اللي بتملكه مصر وكشفت بيانات المركزي  ارتفاع احتياطي النقد الأجنبي لدى  بمقدار 130 مليون دولار بنهاية يونيو ليصل إلى 34.81 مليار دولار، من 34.66 مليار دولار في نهاية مايو.. ولأن مصر بتمر بأزمة نقص عملة معترف بيها من الحكومة ومن كل مؤسسات الدولة وده اللي خلا ناس كتير تسأل ازاي احتياطي الدولار بيزيد واحنا عندنا أزمة عملة؟ وفلوس الزيادة دي جت منين؟
 

مصر من مارس ٢٠٢٢ وهي بتعاني من ازمة نقص في العملة الاجنبية نتيجة الفجوة التمويلية اللي حصلت في الموازنة العامة بسبب تداعيات الغزو الروسي لأوكرانيا واللي اتسبب في ارتفاع غير مسبوق لأسعار السلع الغذائية والمواد البترولية .. ومصر حاولت تسد العجز في الموازنة عن طريق الاقتراض من الخارج لكن ده برضوا ما حلش القصة خصوصا ان صندوق النقد صحيح وافق على قرض ب ٣ مليار لكن ما صرفش غير شريحة واحدة بقيمة ٣٥٠ مليون دولار تقريبا.. وده خلا الحكومة تبدأ تفكر ازاي توفر سيولة دولارية من أكتر من اتجاه وكان اهمهم تقليل فاتورة الاستيراد لأقل حد ممكن وعدم الاعتماد على سلع ليها بديل محلي ووقف استيراد عدد من السلع الاستفزازية
ووفقا لآخر تقرير عن حجم الواردات فواردات مصر تراجعت خلال السنة اللي فاتت بصورة كبيرة وده خفف الضغط على الدولار وعلى الاحتياطي النقدي للبلد والاتجاه ده عزز من قيمة الاحتياطي وخلا فيه وفرة مكنت الحكومة من توفير الاعتمادات المطلوبة لعمليات الاستيراد وشفنا ازاي تم الإفراج عن بضايع ب ٢٥ مليار دولار خلال أول ٥ شهور في ٢٠٢٣ من البضائع اللي كانت مكدسة في الموانيء.
ده كمان بالإضافة لنمو ملحوظ في واردات السياحة وقناة السويس.. وهو ده سبب الانتعاشة اللي بيعيشها