خطوة هتخلص مصر من ديونها.. السر في ألمانيا

ملف الديون واحد من أهم الملفات اللي مصر شغالة عليها كويس اوي في الفترة الأخيرة وفيه حاليا تحركات لتقليل حجم الدين الخارجي لأقل حد ممكن في مقابل الناتج المحلي وكمان فيه مفاوضات مع كتير من الدول الدائنة لاسقاط ديون مصر واعدامها بشكل يخليها تتحرر من عبء كبير على الموازنة العامة.. ومؤخرا فيه خطوات مهمة وفعالة في ملف الديون هتخلي مصر تتخلص من الكابوس ده

بنك التنمية الألماني  بالنيابة عن الوزارة الاتحادية الألمانية للتعاون الاقتصادي والتنمية أعلن عن اتفاق مبادلة ديون بقيمة 54 مليون يورو مع وزارة التعاون الدولي ووزارة الكهرباء والطاقة المتجددة و البنك المركزي المصري.

والاتفاق ده وفقا لبيان صادر عن السفارة الألمانية في القاهرة  هيعفي  مصر من سداد ديون قيمتها 54 مليون يورو من أجل استخدامها في تمويل التحول إلى الطاقة الخضراء.

وكانت الحكومة الألمانية تعهدت خلال انعقاد المؤتمر الدولي للمناخ "كوب 27" في شرم الشيخ في شهر نوفمبر 2022 بالمساهمة بشكل كبير في مبادرة مصر "محور الماء والطعام

وتنفيذ للتعهد دهقدمت ألمانيا حزمة تمويلية إجمالية تزيد عن 250 مليون يورو لنفس  الغرض تشتمل على إعفاء من الدين ومنح وقروض ميسرة للغاية.

ومبادلة الدين الجديدة بتدعم الحكومة المصرية في تحقيق هدفها المتمثل في إنتاج الكهرباء من مصادر الطاقة المتجددة بنسبة 42% بحلول عام 2030، من خلال تمويل الاستثمارات اللي بتمهد الطريق للمبادرة المهمة.

والغرض من المشروع اللي هتنفذه مصر مع المانيا هو تطوير شبكة النقل لدمج الطاقات المتجددة في شبكة نقل الكهرباء وتعزيز الشبكة؛
وهيساهم المشروع على وجه الخصوص في إنشاء محطتين فرعيتين وربط مزرعتين رياح (مزرعة "أميونت" ومزرعة رياح البحر الأحمر) بطاقة 500 ميجاوات لكل منهم بشبكة النقل الوطنية.

وكل ده هيساعد على الوصول إلى إمدادات طاقة محسنة وفعّالة من حيث التكلفة وموثوقة في ظل طاقة متجددة متكاملة على النحو الأمثل.
وهيتم تنفيذ المشروع بمعرفة الشركة المصرية لنقل الكهرباء.

واتكلم السفير الألماني بالقاهرة فرانك هارتمان عن الاتفاقية اللي وقعتها بلاده مع مصر وقال : "يسعدنا أن ندعم مصر في طريقها إلى التحول في مجال الطاقة من خلال مبادلة الدين، وهذا من شأنه أن يسمح باستثمارات جديدة في البنية التحتية للطاقة ويمهد الطريق نحو مستقبل أخضر قابل للعيش فيه بالنسبة لجميع المصريين.