ليه الدولار مبينزلش لما الاحتياطي النقدي يزيد؟
الاحتياطي من النقد الأجنبي دلوقتي وصل ل ٣٤.٦ مليار دولار.
وبالرغم من الارتفاع المتتالي في احتياطي النقدي الأجنبي في مصر لكن برضو الدولار قيمته بتزيد..
السبب هو إن مصر بتتبع سياسة سوق الصرف الحر.. يعني مفيش أي علاقة او ارتباط بين سعر الصرف والاحتياطي النقدي الدولاري.
الكلام دة كان زمان .. لما بيزيد الاحتياطي كان بيتدخل البنك المركزي ويضخ دولارات اكبر فى السوق فينزل الدولار لكن دلوقتى احنا سوق حر والبنك المركزي لا يتدخل فى السوق.
محمد عبد العال، الخبير المصرفي، قال في تصريحات صحفية سابقة، إن مصر بتتبع حالياً سعر صرف مرن وليس مدارا، وعلشان كدا فصعود أو هبوط الجنيه أمر متوقع وفقا لآلية العرض والطلب دون تدخل من البنك المركزي أو البنوك.
بمعنى أنه في حال زيادة التدفقات الدولارية من الموارد الرسمية لمصر من تحويلات المصريين العاملين بالخارج أو السياحة أو صادرات الغاز دا هاينعكس على قوة الجنيه أمام الورقة الخضراء، أو العكس سيرتفع الدولار في حال زيادة الطلب على الدولار مقابل نقص المعروض.
