زمن السياحة المصرية راجع تاني.. أعرف خطوات الحكومة علشان تحقق حلم الـ ٣٠ مليار دولار

قطاع السياحة في مصر كان من أفضل وأنشط القطاعات الحيوية داخل الدولة المصرية.. وكان أغلب الناس شغالة فيه.

ومصر في الوقت الحالي بتتبنى  خطة طموحة لتعظيم إيرادات القطاع السياحي؛ ودا من أجل الوصول إلى 30 مليار دولار سنوياً بدءًا من العام 2028.

وعلشان توصل للحلم دا فهي ماشية فى إطار عدة خطوات علشان تبلغ المستهدفات بشكل تدريجي.

اول الخطوات دي هو اتجاه الحكومة لبحث فكرة استغلال الوحدات والعمارات السكنية المغلقة لتحويلها إلى غرف فندقية تساعد على استيعاب أعداد أكثر من السياح، وتكون تحت إشراف ومتابعة وزارة السياحة.

كمان في اتجاه لتشجيع البنوك للمنشآت الفندقية علشان تساعدها في مراحل التأسيس والتطوير للفنادق ودا بيمثل قيمة مضافة لأعداد الغرف الفندقية في مصر.

كمان الحكومة ماشية في اتجاه التوسع في التأشيرة الإلكترونية لتسهيل الوصول إلى مصر.

دا بالإضافة لفتح المجال أمام سهولة الحصول على التراخيص والموافقات فيما يتعلق بسياحة اليخوت، وهي من أهم أشكال السياحة الأعلى في الإنفاق والدخل.

خلينا نكون متفائلين ونقول عصر السياحة راجع تاني.