إيه اللى بيحصل فى سوق الدهب؟ وإيه توقعات الأيام الجاية؟ وما الوقت المثالي للشراء ؟

اللى متابع سوق الدهب وحركة البيع والشرا فى مصر هيعرف ان اسعار المعدن النفيس انخفضت بقوة فى الاسبوع الأخير وهيعرف كمان ان فيه ما يشبه الانهيار فى سوق الصاغة وسعر الجرام هبط بشكل محدش كان يتوقعه .. فيا ترى ايه اللى بيحصل فى سوق الدهب ؟ وليه الأسعار تراجعت بالشكل الكبيره ده؟ والأهم ايه توقعات الاسعار الجاية ؟ يعنى اللى عاوز يشترى يشترى دلوقتى ولا يستنى شوية؟ 
 
أسعار الدهب في الأسواق المحلية تراجعت بشكل ملحوظ فى آخر يومين بالتزامن مع العطلة الأسبوعية للبورصة العالمية، وكمان التراجعات دي حصلت في ظل استقرار سوق الصرف وتراجع أسعار صرف الدولار في السوق السوداء بشكل عنيف خلال التعاملات الأخيرة.
وبيتم تداول الدهب عيار 21 الأكثر انتشار فى مصر فى حدود 2250 جنيها وده بعد ماكان وصل سعر الجرام الى ذروته وسجل 2850 جنيه من كام شهر بس يعنى فيه تراجع بحوالى 600 جنيه فى الجرام الواحد وده اللى كنا بنقولوا لحضراتكم هنا فى بانكير لما اكدنا ان فيه تلاعب بيحصل فى الاسعار وان فرق السعر بين الدهب المحلي والسوق العالمي اكتر من 500 جنيه فى الجرام الواحد.
طب يا ترى ايه اسباب الانهيار ده .. وهل ده بسبب تراجع الطلب على الدهب ولا دي حركة تصحيح؟
بص يا سيدي فيه كام حاجة حصلت الفترة اللى فاتت هى اللى خلت اسعار الدهب تعمل كده.. أول حاجىة كان كان قرار الحكومة بالسماح للمصريين فى الخارج باستقدام اى كميات من الدهب من غير رسوم ولا ضرائايب ولا جمارك وتانى حاجة الهبوط الكبير اللى حصل فى سعر الدولار فى السوق الموازية واللى جه بعد تصريحات للرئيس السيسي عن مرونة سعر الصرف وتلميح قوى عن عدم اجراء اى خفض جديد فى قيمة الجنيه 
طب هل الاسعار الفترة الجاية نازلة ولا فيه احتمالية لارتفاع جديد؟
بنسبة كبيرة مؤشر الدهب الأيام الجاية هيشهد انخفاض كبير لأن حتى عالميا سعر الدهب بينزل وحتى بعد الاعن الفيدرالى الامريكي تثبيت سعر الفايدة لسه الدهب بيحقق خساير فلو حضرتك عاوز تشترى تقدر تقسم فلوسك وتشترى جزء بيها دلوقتى وتشترى جزء كمان لما الاسعار تنزل.