صدمات جديدة تزلزل السوق السوداء للدولار.. ايه اللي حصل
حسب التداولات الأسعار في السوق السوداء للدولار فيه حالة انهيار في سعر الدولار بعد كلام االرئيس السيسي القاطع بعدم تعويم الجنيه المصري ع الأقل في الوقت الحالي ومع استقرار التدفقات الدولارية والكلام عن قوة الجنيه المصري وإنه مش مقوم بسعره العادل دا غير ارتفاع حجم الاستثمارات الأجنبية المباشرة في مصر في الفترة الأخيرة والكلام عن استثمارات ضخمة هيام الإعلان عنها قريب جدا.. لكن فيه اكتر من حاجة حصلت بعد كده سببت صدمات جديدة في السوق السوداء وبتقضي على اي أمل في اتتعاشها تاني.. ياتري ايه اللي حصل
معروف إن السوق السودا بتابع أخبار الاقتصاد المصري اول بأول وبأي تصريحات بتتقال ولأنها سوق غير شرعية أي معلومة بتهزها وخاصة لو كانت معلومات إيجابية في موضوع سعر الدولار أو قد ة الدولة على التعامل مع نقص العملة الأمريكية وفي الأيام الأخيرة حصلت اكتر من حاجة خلت السوق السوداء للدولار تلف حوالين نفسها وتضرب السعر من جديد أولها تقديم مصر طلب رسمي للانضمام لمجموعة بريكس العالمية ودا معناه إن مصر هتستغني عن جزء كبير جدا من الدولار اللي كانت بتستورد بيها بعد الانضمام مباشرة لأنها هتتعامل بالعملات الوطنية مع مجموعة الدول أعضاء بريكس وهي دول عظمي ومصر بتتعامل وبتستورد منها بمبالغ ضخمة وبالمليارات ودا معناه إنه هيكون فيه وفرة في الدولار بالسوق الرسمي ودا كفيل وحده إنه يقضي على اي آمال لقيام السوق السودا تاني
كمان خبر التعاون الجديد مع الهند ضرب السوق السودا للدولار تحت الحزام والخبر بيقول إن مصر بتدرس التعامل مع الهند بنظام مبادلة السلع يعني سلعة قصاد سلعة مثلا الحبوب الهندية مقابل منتجات البتروكيماويات المصرية وأكيد الخطوة دي هتوفر مليارات الدولارات بردوا في السوق الرسمية بالبنوك، وتالت حاجة هزت السوق السودا للعملة الأمريكية هي افتتاح الرئيس السيسي لمشروعات المواني الجديدة في الإسكندرية والمواني الجافة في عدد من المناطق ودي اكيد مشروعات هتعظم التجارة المصرية مع الخارج بجانب الخط العربي للتجارة واللي اعلن عنه الفريق كامل الوزير واللي هيغير شكل التجارة العربية العربية وهيوفر مليارات الدولارات كمان من خلال استغلال شبكة المواني الجديدة والخدمات اللوجستية واللي هتضخ مليارات الدولارات في شرايين الاقتصاد المصري.
كل دا بالإضافة إلى تصريحات الرئيس الروسي فلاديمير بوتين امبارح مع الشيخ محمد بن زايد عن الاستثمار في مصر والاتفاق على تعاون ثلاثي لتنمية الاستثمارات في منطقة قناه السويس الاقتصادية وكلها مشروعات بالمليارات دا بخلاف جهود الدولة لتنمية إيرادات الدولار من أفكار بره الصندوق والتقارير الدولية المساندة للجنيه المصري في الفترة الأخيرة وكل اللي فات بيقول إن السوق السودا بتنهار ومش قدامه غير أنها تتخلص من الدولارات اللي عندها عشان خسارتها بتزيد كل يوم عن اللي قبله
الصعيد الآخر، انخفض سعر الدولار في السوق السوداء حسب متعاملون نتيجة قرارات البنك المركزي المصري الأخيرة وأنباء عدم قيام البنك المركزي بتعويم الجنيه.
وقد سجل الدولار في السوق السوداء اليوم الخميس ما بين 35 و37 بعد أن شهد أعلى سعر له في السوق السوداء 42 جنيهًا للدولار الواحد وأيضا انهار الدولار اكثر بالتزامن مع تصريحات الرئيس عبد الفتاح السيسي بشأن سعر الصرف وتقليل الاعتماد على الاستيراد
