قرار أمريكي يقلب الموازين في قناة السويس .. ايه اللي حصل

 كل العالم عارف ان قناة السويس هي الشريان التاجي للتجاره الدولية وحوالي 14% من حجم تجارة العالم بتمر من القناة المصرية وكلنا شفنا اللي حصل لما اتعطلت الملاحة يومين في القناة ساعة جنوح السفينة ايفرجيفين، وكلنا اكيد بردو سمعنا عن المشكلة الكبيرة اللي يتواجه قناة بنما المنافس الرئيسي لقناة. السويس على المحيط الهادي بسبب ندرة سقوط الأمطار وجفاف القناة واللي بيهدد التجارة الدولية اللي بتمر من هناك وبيكبد الشركات البحرية خسارة فادحة بسبب تخفيف الحمولات والغاطس واللي هيزود التكلفة طبعا.. ده كله كلام قديم ومعروف وفيه فعلا شركات بتجهيز أنها تستخدم قناة السويس المصرية كبديل طبيعي حتي لو الوقت طول شوية.. لكن الجديد بخصوص قناة بنما والسويس لسه  جاي من أمريكا بقرار جديد لما يطبق قناة السويس هتعيش موسم دهبي.. ايه اللي حصل.. تعالوا نعرف مع بعض
 
باتريك كروسيت  والخبير الكبير في البنك الأمريكي العالمي جولدمان ساكس اتكلم باستفاضة عن أزمة قناة بنما وقال إن الشركات الملاحية العالمية اللي بتعدي في قنا ة بنما عندها حلين  ملهمش تالت أولهم إن الشركات دي تستمر تمر من القناة بشرط تخفيف الحمولة والاستعانة بعدد كبير من  السفن لنقل نفس الكمية من البضايع ، وده طبعا حل مش عملي لأنه معناه تكلفة ضخمة الشركات مش هتقدر عليه تاني حل اللي اقترحه عمنا كروسيت إن الشركات الملاحية الدولية اللي كانت باستخدام قناة بنما توجه سفنها  للمرور من قناة السويس والراجل قال إن الشركات ممكن تعوض الوقت الطويل شوية في تحميل البضايع على سفن كبيرة  عشان تضمن تحمل بضاعة كتيرة تعوضها الوقت والرسوم وقال إن مجري قناة السويس قادر يستوعب أكبر فاكس معروف بعد التوسعة الجديدة .
وخبير جولدمان ساكس قدم مثل بمعادلة بسيطة لشركات الملاحة عشان يأكد لهم إن قناة السويس هي الحل العملي والوحيد وقال إن تحميل سفن كبيرة ببضايع كبير  هيساوي  (تكاليف وحدة أقل) ، مع إضافة 15٪  لوقت الرحلة ، على سبيل المثال من الصين إلى الشاطئ الشرقي للولايات المتحدة.

المشكلة في موضوع قناة بنما إن محدش عارف الأزمة هتخلص امتى لأنها متعلقة بالطبيعة ونزول المطر اللي انقطع بسبب التغيرات المناخية ودا ممكن يقعد شهور طويلة ودي فرصة دهبية لقناة السويس أنها تجذب السفن ذات الخطوط التجارية الطويلة وبكده يبقى كسبت زبون جديد ممكن يكمل معاها حتي بعد حل مشكلة قناة بنما.

روسيت قال  إن زباين البنك من أصحاب شركات الملاحة والتجارة منزعجين جدا  بسبب قيود عبور السفن في قناة بنما وتغير  القيود دي حسب انخفاض مستوى المياه بسبب التغير المناخي في الشهور القادمة مما قد يعني أن كبرى السفن من حجم نيوباناماكس بحمولة 14 ألف طن هتعبر  بنص حمولتها وده هيقلص حركة الشحن في أحد أضخم مسارات الشحن في العالم، وهو خط آسيا وساحل الخليج في الولايات المتحدة والشاطئ الشرقي فيها بالإضافة لعمليات التأخير الكبيرة في العبور من قناة بنما.

من الاخر الراجل عايز يقول للشركات العالمية البحرية إن قناة السويس هي اللي هتنقذ تجارتكم وشركاتكم وهتنقذ خط جديد من خطوط التجارة العالمية ولما دا يحصل إيرادات قناة السويس هتضرب في السما.