اية سبب إيقاف بطاقة الائتمان؟؟ وازاي تتجنبها؟
بطاقه الائتمان من أهم وأبرز المنتجات البنكية اللي بتقدمها البنوك.. واللي بتسمح بالشراء والسحب والاستمتاع بفترة سماح تتراوح ما بين ٥٢ وحتى ٥٧ يوم.
وتقدر من خلال بطاقة الائتمان أنك تسحب كاش من ماكينة ال ATM.. لكن لازم تسدد المبلغ في فترة السماح واللي قولنا على مدتها وأحياناً بتختلف من بنك للتاني.
لكن في شوية حالات كدا.. ممكن يتم وقف بطاقة الائتمان فيها.. وهو أنك ماتسددش المتأخرات اللي عليك لمدة شهرين متتاليين لكن الخدمة هاتشتغل بعد ٢٤ ساعة من إعادة تشغيلها.
وفي حالة إنك عملت إيداع متكرر وبمبالغ ضخمة أو استخدمت البطاقة في العمليات المحظورة قانوناً هايتم برضوا وقف البطاقة.. والحالة الأخيرة هو انتهاء صلاحية البطاقة.
وعلشان تتجنب الوقف لازم تسدد مستحقاتك بانتظام وبشكل شهري وانك تجدد البطاقة فوراً في حالة أن صلاحيتها خلصت.. ومافيش داعي أنك تطلع اكتر من بطاقة ائتمانية .. وياريت ياريت تستخدم البطاقة بشكل ذكي.
