مفاجأة.. صندوق النقد الدولي لم يطلب تخفيض جديد للجنيه
فاكرين لما قولنا هنا في بانكير أن مفيش حاجه اسمها تعويم تاني وأن الجنيه المصري مقوم باعلي من قيمتة ونفس الكلام قالوا الدكتور مصطفى مدبولي رئيس مجلس الوزراء.. طيب فاكرين لما قولنا كمان بأن معظم المؤسسات المالية الدولية كانت بتضغط على البنك المركزي والحكومة عشان تخفض الجنيه تاني في تقارير أقل ما يقال عنها بأنها مشبوهة... طيب ايه مناسبة أن بنفكركم بالكلام.. المناسبة هي المعلومات اللي حصلنا عليها هنا في بانكير واللي بتأكد كلمنا.
المعلومات اللي بننفرد في بانكير بإذاعتها بتقول أن موقف الجنيه المصري قوي وأن محادثات الحكومة مع صندوق النقد الدولي لم تتطرق إلي خفض الجنيه.. وكل المحادثات في الفترة اللي فاتت عن أطروحات الحكومة لشركات القطاع العام.
المعلومات كمان بتشير إلي أن صندوق النقد الدولي استبعد تماماً طلبه بخفض الجنيه وأن التركيز سينصب على تحييد الشركات الحكومة عن الاقتصاد وتسريع عمليات الطرح ورفع الفائدة للسيطرة على التضخم.
كلامنا كمان ومعلوماتنا بتتوافق مع صدور تقرير من بنك "سيتي جروب" يفيد بأن الجنيه المصري لن ينخفض في القريب العاجل.
كل الكلام دة هيكون سبب في ارتباك في السوق السودا وهنشوف تراجع ضخم لسعر الدولار في السوق السودا حتي يلامس السعر الرسمي وبعدها هيصحح الجنيه مساره وهنشوف الدولار يصل إلى القيمة العادلة بتاعتوا اللي هي 26 جنيه للدولار الواحد.
