هاتوفر لمصر 5 مليار دولار سنويًا.. اية حكاية أكبر محطة طاقة الرياح اللي بين مصر والإمارات
امس مصر وقعت اتفاقية مع الإمارات.. هاتوفر لها سنويًا 5 مليار دولار.
الاتفاقية دي اتوقعت بين مصر ممثلة في وزارة الكهرباء وشركة أبوظبي لطاقة المستقبل، ودي شركة رائدة عالميا في مجال الطاقة المتجدة، ومعاها ائتلاف مكون من "إنفينيتي باور، أكبر شركة للطاقة المتجددة في أفريقيا" و"شركة حسن علام للمرافق، المتخصصة في استثمارات البُنى التحتية المستدامة".
والاتفاقية دي بتتضمن توفير قطعة أرض لإنشاء محطة لطاقة الرياح بقدرة إنتاجية ١٠ جيجاوات، وبتكلفة استثمارية أكتر من ١٠ مليار دولار.
والمحطة دي هاتساهم في تفادي انبعاث 23.8 مليون طن من ثاني أكسيد الكربون، أي ما يعادل 9% تقريباً من انبعاثات ثاني أكسيد الكربون الحالية في مصر.
ودي هتبقى أكبر محطة لطاقة الرياح في العالم، وهتوفر لمصر حوالي ٥ مليار دولار سنويا من تكاليف الغاز الطبيعي.
ده غير الفوائد البيئية اللي ماينفعش يُستهان بيها، لإن المحطة دي لوحدها هتقلل ٩٪ تقريبا من انبعاثات ثاني أكسيد الكربون في مصر، نتيجة إنها بتقدم طاقة نظيفة.
