رسمياً.. سعر الجنيه يواصل استقراره لليوم الـ 100 على التوالي
استقر سعر الدولار أمام الجنيه المصري في نهاية تعاملات اليوم الثلاثاء 6-6-2023 وفقاً لآخر تحديثات شاشات عرض اسعار العملات في البنوك المصرية.
وسجل متوسط سعر الدولار في البنوك المصرية نحو 30.85 جنيه للشراء و 30.95 جنيه للبيع ، وفقاً لآخر تحديث وارد عبر الموقع الإلكتروني للبنك المركزي المصري.
مصر اضطرت إنها تتعامل مع أزمة شديدة جت في الوقت الغلط زي ما بيقولوا وهي الأزمة الروسية الأوكرانية واللي جت كمان بعد وباء عالمي أصاب العالم كله بالركود والإغلاق والاضطراب وكانت أهم تداعيات الصراع الروسي الأوكراني هو نقص الدولار في مصر لأسباب كلنا عارفينها زي خروج الاستثمار المباشر وارتفاع أسعار السلع عالميا واضطراب حركة التجارة الدولية وحاجات تانية كتير عشان كده مصر خدت خطوات جذرية لإصلاح الخلل في الفجوة الدولارية بين المطلوب والمتاح وكان منها طرح حصص بعد الشركات والكيانات الاقتصادية في البورصة أو للبيع لمستثمر رئيسي.. ياترى ليه مصر مش قادرة تسرع برنامج الطروحات الحكومية وايه حكاية اخر صفقة معروضة على مصر.
كل اللي متابع ملف بيع الشركات هيعرف إن مصر ماشية فيه بحكم ة شديدة جدا لأنها في الاخر أموال عامة وشركات ناجحة ومش هينفع تتباع غير بسعر عادل، يعني مصر عايزة أعلى أسعار والمستثمر عايز يضرب السعر تحت الحزام ودي طبيعة الصفقات، لكن الحقيقة الحكومة مستعجلتش خالص ورفضت كل الصفقات اللي مش جايبة سعرها والمشترين بيحاولوا يضغطوا بالوقت وتقارير وكالات التصنيف العالمية عشان مصر تبيع ودا مش هيحصل ..
لما مصر طولت نفسها في برنامج بيع الشركات الموضوع جاب نتيجة كويسة عشان كده حصة المصرية للاتصالات اتباعت بسعر كويس 150 مليون دولار وهنا بنتكلم على 10%بس من الشركة وبدأ المستثمرين يتكلموا جد شوية في موضوع الأسعار.
وحسب اخر معلومات في ملف الطروحات شركة العامرية المتخصصة في مجال الاستثمار العقاري والسياحي بالمملكة العربية السعودية، طلبت الاستحواذ على حصة الأغلبية من شركة مصر الجديدة للإسكان والتعمير ودي واحدة زي ما احنا عارفين من الشركات التابعة لقطاع الأعمال العام.
المهم الطلب بتاع الشركة السعودية كشف نيتها الاستحواذ على 70% من كامل أسهم شركة مصر الجديدة للإسكان والتعمير مقابل 400 مليون دولار، أي ما يعادل 13 مليار جنيه مصري، ليكون تقدير سعر السهم الواحد عند حدود الـ 13 جنيها، حيث يتداول حاليا سعر سهم شركة مصر الجديدة للإسكان والتعمير عند حدود 10.46 جنيه، وبالتالي يكون العرض المقدم من شركة العامرية للاستثمار العقاري للشراء السهم بزيادة تصل لـ 30 % عن السعر الرسمي المعلن حاليا بالبورصة المصرية، ودي كانت نتيجة إصرار مصر أنها متفرطش في حصص الشركات غير بسعرها العادل.
ونرجع لعرض الشركة السعودية واللي قدمت طلب الاستحواذ إلى الدكتورة هالة السعيد، وزيرة التخطيط والتنمية الاقتصادية، باعتبارها رئيس مجلس إدارة صندوق مصر السيادي.
وأسندت الجهات المتخصصة دراسة الطلب من قبل المستشار المالي المستقل واللي بتقوم به حاليًا شركة إن آي للاستشارات – NI-Capital من أجل تحديد القيمة العادلة لسعر السهم.
ايا كان رد الحكومة على العرض السعودي لكن اللي حصل بيدينا مؤشر مهم جدا إن ملف الطروحات هيتحرك بسرعة في الفترة الجاية بسبب التعامل الحازم مع أموال وشركات الدولة.
وبالمناسبة شركة مصر الجديدة للإسكان والتعمير عندها 3550 فدانًا أراضي بمنطقة هليوبوليس الجديدة، إسكان وخدمات، بخلاف 655 فدانًا شراكة مع شركة سوديك إسكان وخدمات، بالإضافة إلى منطقة هليو بارك 1695 فدانً للإسكان متكامل الخدمات وخدمات محلية وإقليمية، ونخلي بالنا الدولة لو وافقت على صفقة بيع الشركة هتحافظ ب30% من اسهمها يعني بردو الدولة موجودة في الشركة وهتكسب من الأرباح اللي هتزيد لما المستثمر يوسع نشاطها.
