خنق الدولار وظهور عملة عالمية جديدة

 
هل فعلا عصر الدولار أوشك على الأفول؟ وهل ممكن نشوف عملة بديلة للعملة الأمريكية قريب ؟ وليه الصين وروسيا بيحاولوا بكل الطرق توجيه الضربقة القاضية للدولار؟ وليه أصلا العملة الأمريكية هي المسيطرة على الاحتياطيات النقدية فى العالم كله؟ 

 البترودولار

من اكتر من 50 سنة وتحديدا من بداية ظهور عصر البترودولار واللى بيعنى تسعير البترول على سعر الدولار والعملة الأمريكية بقت أقوى عملة فى العالم ويوم بعد يوم كان نفوذها بيزيد مع اهتمام كل الدول بزيادة احتياطياتها من العملة الأمريكية، لكن من بعد الحرب الروسية الاوكرانية بدأنا نسمع أصوات ونشوف تحركات على أرض الواقع لوضع نهاية لهيمنة الدولار بعد ما استخدمته الولايات المتحدة كسلاح فى حربها الباردة مع روسيا وإزاي جمدت أرصدة بمليارات الدورلارالت لموسكو ونسقت مع اوروبا لحذف البنوك الروسية من على السيستم الدولي.
وبقا واضح جدا مساعي روسيا والصين تحديدا لكسر هيمنة الدولار على الاقتصاد العالمي، في خطٍ متوازٍي مع اللى بيشهده  العالم من تحولات جغرافية وسياسية عميقة بتضع  قواعد النظام الدولي المعمول بيه  من نهاية الحرب العالمية التانية على "المحك" في ظل المعطيات الراهنة واللى بتشهده تركيبة التفاعلات الدولية من متغيرات جذرية تفتح الباب أمام عالم جديد بيتشكل ولسه لحد دلوقتى ملامحه لم تكتمل.

عملة جديدة لمحاربة الدولار

التطور الجديد ان فيه دول حليفة للولايات المتحدة بدأت تدخل على الخط وتبرم اتفاقيات مبادلة عملات وتتخلى عن التعامل بالدولار فى معاملاتها التجارية ومنهم دولة كبيرة ومهمة زي فرنسا اللى بدأت اتمام معاملاتها مع الصين باليوان مش بالدولار وده ناقوس خطر كبير جدا بيقول ان ايام الدولار الجاية مش هتكون سهلة خالص. 
كمان البرازيل والصين أبرموا مؤخرًا صفقة لتسوية التجارة بعملاتهم المحلية في محاولة للتحرر من هيمنة الدولار على ، ووقعت الهند وماليزيا في أبريل اللى فات اتفاق لتكثيف استخدام الروبية في الأعمال التجارية العابرة للحدود.
ووقعت كوريا الجنوبية وإندونيسيا من أسابيع قليلة على اتفاقية لتعزيز التبادلات المباشرة بين الوون والروبية.

الصين

وبتلعب الصين دور كبير في التحول بعيدا عن الدولار وبيسعى الرئيس شي جين بينج لتعزيز دور اليوان في النظام المالي العالمي وده خلا حكومته تضع توسيع استخدام العملة في الخارج كأولوية.