إيه اللي بيحصل في ألفا ماركت وإزاي الشركة وقعت

رغم إن  سلاسل السوبر ماركت الكبير بتكسب كويس  لكن فيه شيء غريب بيحصل في سلسلة متاجر «ألفا ماركت»  وهي واحدة من السلاسل اللي ثبتت وجودها في السوق المصري وبدأت تتوسع في 9 فروع وكان عندها خطة إنها تتوسع أكتر لكن فجأة وبدون مقدمات السلسلة بدأت تعاني من مشاكل مالية خطيرة بتهدد بتصفية أعمالها .. ياترى إيه اللي وصل الأمور للمرحلة دي.

حسب مصادر بتواجه ألفا ماركت أزمة ديون طاحنة، وإن السلسلة بتواجه مديونيات بـ 100 مليون جنيه، عبارة عن تسهيلات ائتمانية، والتزامات لعدد من الموردين، بالإضافة إن أغلبية فروع الشركة بنظام الإيجار، وليها فروع في المعادى، مصر الجديدة، التجمع الخامس،والزمالك، والمهندسين، والدقى، والشيخ زايد، والمنصورة،

لكن مقربين من إدارة الشركة أكدوا إن الأزمة بدأت تظهر السنة اللي فاتت وهي بتنحصر في أزمة «سوء إدارة» وهي دي كلمة السر في اقتراب انهيار سلسلة الماركت الشهيرة، ودا زاد بعد استحواذ أطباء وصيادلة على الملكية، بجانب سوء إدارة عمليات التشغيل.
المصارد قالت إنه للأسف ألفا ماركت حاليا بتصفي البضايع وبتقفل الفروع بشكل مؤقت، وعلى رأسها فرع كورنيش المعادى، وبعدها الاتجاه لبيع عدد من الأصول لتسوية المديونيات وبعدها ممكن يتم استئناف النشاط، الغريب إن شركات تانية منافسة مستنية الفرصة عشان تشتري فروع ألفا ماركت خاصة فرع  كورنيش المعادى بسبب مساحته وموقعه المميز.

ألفا ماركت اتأسست سنة  1984، وتعد واحدة من أشهر السلاسل التجارية فى مصر، وعندها  أقسام السوبر ماركت، والأدوات المكتبية، ومستلزمات الحيوانات الأليفة، وأدوات ومستلزمات التنظيف، وألعاب الأطفال، والأجهزة المنزلية.