لو معاك مبلغ صغير.. أعرف الطريقة الصح علشان تستثمر فلوسك

لو أنت معاك مبلغ صغير.. يعني مبلغ ماينفعش تشتري بيه عربية أو مشروع كبير أو حتى تشتري بيه عقار

وفي نفس الوقت أنت عايز تستثمر المبلغ دا في حاجة يجيلك منها عوائد

أنت أحسن وأنسب حل ليك هو أنك تحط فلوسك دي في صناديق الاستثمار

وصناديق الاستثمار ببساطة كدا.. عبارة عن وسيلة استثمار قائمة على المشاركة مع مستثمرين تانيين.. يعني رؤوس أموال مجموعة من المستثمرين بتتحط في صندوق بهدف استثمارها وبيتم إدارتها وفقاً لإستراتيجية وأهداف استثمارية.

ومميزات صناديق الاستثمار.. هو إن اللي بيدير الصندوق واحد محترف وبيدرس أداء الشركات المقيدة في البورصة ويختار أفضل الشركات علشان يحقق أعلى عائد.

وكمان من مميزات صندوق الاستثمار أنك بتقدر تنوع  من استثماراتك وبتقلل نسبة المخاطرة.. وتقدر تعمل دا بأي مبلغ مش لازم مبلغ كبير.