تقرير صادم عن مستقبل الجنيه.. الدولار سيصل الى 45 جنيها في هذا الوقت

رغم ثبات سعر صرف الجنيه المصري قدام الدولار فى البنوك المصرية عند مستوى يقترب من 31 جنيه خلال اخر 3 شهور الا اننا كل شوية نشوف تقرير طالع من بنوك الاستثمار العالمية بيتوقع خفض جديد فى سعر العملة المصرية والمرة دي التقرير جاي من سويسرا تحديا من بنك كريدي سويس.. فيا ترى التقرير قال ايه ؟ زايه توقعاته عن مستقبل الجنيه؟ وهل قال ان فيه تحريك جديد في سعر الصرف؟ والأهم هل الكلام اللى بيقولوا هيتحقق ولا لأ؟ 
 
تقرير جديد لبنك "كريدي سويس" توقع حدوث تراجعات جديدة للجنيه المصري خلال الفترة الجاية ، وغير البنك السويسري نظرته السلبية للاقتصاد المصري اللي أعلن عنها فبراير اللى فات بعد ما كانت نظرة محايدة في ديسمبر 2022.
تقرير البنك السويسري جاي بعد أيام قليلة من صدور تقرير بنك "ستاندرد تشارترد" واللي أشار إلى أن مصر بحاجة لسداد حوالي 25 مليار دولار سنويا على مدى السنوات الأربع الجاية  منها  10.3 مليار دولار مدفوعات لصندوق النقد الدولي، و6.2 مليار يورو للسندات المقومة باليورو "يوروبوند"، خلال العامين الماليين الجايين. 
وأكد البنك الإنجليزي ان مخاطر التمويل اللي هتواجه مصر الفترة الجاية هتسبب قلق لدى المستثمرين ووكالات التصنيف الائتمانية. 
وأرجع التقرير اللي أعده المحلل الاستراتيجي المتخصص في شؤون الشرق الأوسط لدى بنك كريدي سويس، التوقعات المتشائمة إلى الجمود اللي أصاب الإصلاحات المتفق عليها مع صندوق النقد الدولي، خصوصا برنامج الطروحات الحكومية وتطبيق سعر صرف مرن للجنيه المصري.
البنك السويسري توقع حدوث تراجعات قياسية بالجنيه أمام الدولار وقال ان الانخفاض هيوصل الى 30% مقارنة بالسعر الحالي، وبكده هو متوقع وصول سعر صرف الجنيه إلى ما يقرب من 45 جنيه للدولار الواحد.
وعدل "كريدي سويس" مستهدفه لسعر صرف الدولار أمام الجنيه خلال 3 أشهر إلى ما يتراوح بين 45 و50 دولار و عدل كمان توقعاته للسعر خلال الـ 12 شهر الجاية إلى ما يتراوح بين 33 و34 جنيه لكل دولار بشرط نجاح الحكومة خلال الفترة دي في تحقيق تقدم بشأن الإصلاحات.
تثقرير البنك السويسري قال انه كل لما طال الوقت الذلي بتستغرقه الحكومة في الشروع في خطوات الإصلاح اللى طال انتظارها، كل ما زادت شدة تسعير السوق لمخاطر تخفيض قيمة العملة. 
طب هل الكلام اللى قاله البنك السويسري ممكن يتحقق؟ 
ده متوقف على حاجات كتير وفعلا الحكومة خدت خطوات مهمة بدأت تسمع وبدأنا نشوف عواائد دولارية بتدخل البلد الفترة الأخيرة وبدأنا نشوف اتمام لعمليات طرح بعض الشركات ولو مشينا بالوتيرة دي ممكن ميكنش فيه تخفيض لسعر العملة على المدى القريب والمتوسط 
لكن عموما السوق فيه تقلبات شديدة ومحدش يعرف ممكن الأمور توصل لإيه .. ربنا يحفظ مصر ونقدر نعغدي المرحلة الصعبة دي على خير