حدث تاريخي في قناة السويس

من النهاردة السفن في قناة السويس مش هتعدي وبس دي كمان هتعدي وهتهدي تمون وقود وهتدفع زيادة مقابل الخدمة الجديدة..

فاكرين لما اتكلمنا عن المشروع العبقري لقناة السويس للاستفادة من السفن العابرة للممر الملاحي وجذب سفن جديدة، وهو مشروع عالمي لتموين وصيانة السفن والقيمة المضافة اللي هيضيفها النشاط الجديد للإيردات وطبيعة العمل في القناة.. النهاردة بقي يوم مش عادي في تاريخ قناة السويس لأنه أول يوم يتم فيه تزويد السفن بالوقود من خلال شركة مينرفا بانكرنج التابعة لمجموعة ميركوريا إنرجي جروب، وهي الشركة واللي فازت بأول ترخيص لتموين السفن.

مينرفا بانكرنج  هتستخدم في تزويد السفن بالوقود في المجري الملاحي ناقلة بحمولة ساكنة سعة 150 ألف طن زي تانك أو مخزن عائم، بالإضافة إلى خمس ناقلات لتزويد العملاء بالوقود.

الرئيس التنفيذي للشركة تايلر بارون، قال إن المشروع في قناة السويس مشجع جدا لأنه بيتميز بكثافة حجم الشحن، لأن قناة السويس بتقع بشكل فريد بين مراكز التسعير في الشرق والغرب، ودا بيمثل الميزة الأكبر لأن شركات الشحن هتقدر تزود سفنها بالوقود أثناء انتظار عبور القناة بدون إهدار أي وقت ودي ميزة مش موجودة غير في قناة السويس..

مسؤول شركة مينرفا العالمية الحاصلة على رخصة تموين السفن العابرة من قناة السويس بالوقود في موانئ بورسعيد كشف إن شركته بتخطط خطة مع الهيئة الاقتصادية لقناة السويس، لجذب 8 آلاف سفينة كمرحلة أولى للتزود بالوقود من إجمالي 22 ألف ناقلة بحرية تعبر الممر الملاحي سنويًا..حضرتك أكيد إن المشروع ضخم وهيقفز بالإيرادات كل سنة.