إيه اللي هيحصل لديون مصر لو الدولار وصل 38 جنيه؟.. مفاجأة صــادمة

 
يا ترى ايه اللى ممكن يحصل لديون مصر لو الدولار وصل سعره فى البنوك لـ 38 جنيه زي ما بيتم تداولوه فى السوق السودا؟ ونسبة الديون من الناتج المحلي هتكون كام؟ وهل فيه تخفيض قريب لقيمة الجنيه ولا لأ؟ ولو مفيش طب مصر هتسد الفجوة التمويلية اللى عندها منين؟
 

حجم ديون مصر

 
كل الأسئلة اللى فاتت وغيرها كمان حاول بنك ستاندرد تشارترد، اللى مقره  بريطانيا الاجابة عليها وتحديد حجم تأثر ديون مصر فى كل ارتفاع لسعر الدولار.
البنك البريطاني أكد ان حوالى تلت  ديون مصر مقوم بالعملات الأجنبية، وقال ان أي تحرك إضافي في الدولار الأمريكي مقابل الجنيه المصري هيرفع نسبة الدين من إجمالي الناتج المحلي.

البنك كشف في تقرير ليه بعنوان "مصر الساعة تدق"، أن ارتفاع قيمة الدولار إلى حوالى 38 جنيه زي ما بيتم يتداوله في السوق الموازية هيدفع الدين إلى الناتج المحلي الإجمالي لفوق 100% بحلول نهاية يونيو 2023.

الديون الخارجية على مصر

وارتفعت الديون الخارجية على مصر بنسبة 5.2% خلال الربع الأخير من 2022 لتصل إلى 162.9 مليار دولار بنهاية ديسمبر مقابل 154.9 مليار دولار في سبتمبر وفقا لبيانات صادرة عن وزارة التخطيط والتنمية الاقتصادية.
ووصل عبء الدين إلى 91.6% من الناتج المحلي الإجمالي في يونيو 2022 وفق تقديرات صندوق النقد الدولي .

وبحسب البيان المالي لمشروع الموازنة العامة للدولة للعام المالي الجديد، من المتوقع ارتفاع نسبة مديونية أجهزة الموازنة مع نهاية يونيو 2023 إلى حوالى 96% من الناتج المحلي.
وأدت عودة مصر إلى اتباع سعر صرف مرن بعد توقفه على مدار 2020 و2021 إلى هبوط كبير للجنيه من مارس 2022 ، وبناء على اللى حصل ارتفع سعر الدولار مقابل الجنيه بنحو 96% من مستوى 15.76 جنيه في 20 مارس 2022 إلى 30.94 جنيه في تعاملات البنوك النهاردة وفقا لبيانات البنك المركزي.

التضخم 

وأكد تقرير  ستاندرد تشارترد أن مزيج ارتفاع معدل التضخم وضعف العملة وارتفاع الفائدة عالمياً أثر بشدة على مصر وقال انه من المتوقع ان نسبة تكاليف الفائدة إلى الإيرادات تتجاوز 50% في 2024.

والبنك البريطاني  أكد في تقريره، أنه على الرغم من أن الانضباط المالي اللي بيبقي العجز تحت السيطرة لكن التحديات تتزايد أمام قدرة مصر على تحمل الديون فى ظل ارتفاع تكلفتها عالميا من بعد الحرب الروسية الاوكرانية.