امتى تكسب وامتى تخسر في صندوق الاستثمار في الذهب؟
الخميس 25/مايو/2023 - 02:42 ص
اتكلمنا قبل كدا عن الاستثمار في صناديق الذهب.. واللي أعلنت عنه الدولة في وقت سابق.. واللي بتحط فيه فلوسك وتستثمر في الذهب وفقًا للسعر الحالي للمعدن الأصفر.
والذهب بتشتريه من خلال شركات السمسرة اللي أعلنت عنها الحكومة زي شركة العربية اون لاين.
طيب اية مميزات وعيوب الصندوق دا
أولًا صندوق الاستثمار في الذهب.. حايسهل عليك الاستثمار في الذهب في أنك تشتري من غير ما تدفع مصنعية وكمان تقدر تشتري بأي مبلغ ذهب.
ثانيًا الذهب بتاعك هيكون في مكان أمان وتقدر تسترد فلوسك في أي وقت.
لكن في شوية ملاحظات لازم تعرفها.. أولًا أقل سبيكة ممكن تشتريها هايكون وزنها 50 جرام.
والصندوق بالمناسبة بيكون قابل للمكسب والخسارة.. ودا لأنه مربوط بسعر الذهب على موقع البورصة.. يعني لو سعر الذهب زاد هاتكسب ولو نقص هاتخسر.
وتقدر تسترد فلوسك في أي وقت سواء كاش أو على هيئة سبيكة.
