مصر والتين الصيني.. تحالف المليارات

التنين والفرعون اقدم حضارتين في العالم مصر أم الدنيا والصين بلاد المعجزات .. على مر السنين كانت العلاقات قوية .. تعاون واحترام متبادل ومع وصول الرئيس السيسي للرئاسة اتوسعت آفاق التعاون في كل المجالات بين التنين الصيني اللي شايف إن مصر دولة محورية وعريقة والبوابة الكبيرة لافريقيا والعرب .. وعلى طول طريق الحرير كانت مصر حاضرة في دايرة الاهتمام الصيني.
الصين نزلت بتقلها في السوق المصري وبقت مستثمر مهم واختارات المنطقة الاقتصادية في قناة السويس ومشروعات الطاقة النظيفة والهيدروجين الاخضر واعلنت عن اتفاقيات بمليارات الدولارات لمشروعات هتنفذها في مصر.
دلوقتي مصر بتدرس عرض صيني لإنشاء مجمع لصناعة الحديد باستثمارات 300 مليون دولار مقدم من شركتي شين فينج و CDI Sinoma الصينيتين لإقامة مجمع لصناعة الحديد على مساحة 750 ألف متر مربع وبتكلفة استثمارية 300 مليون دولار.

المشروع الضخم حسب المعلومات هيتنفذ على مرحلتين وهتكون المرحلة الأولى لتلبية طلبات السوق المحلي والتصدير.

وتم الاتفاق على أن وفد من الشركتين هيزور المنطقة الاقتصادية قريب أوي وان  المشروع بعد الموافقة عليه هيستخدم أحدث المعدات في هذا المجال لإنتاج أفضل أنواع المنتجات وبجودة عالية 
اكيد المشروع الصيني هيكون ليه انعكاس إيجابي على سوق الحديد في مصر واللي أسعاره رفعت الفترة اللي فاتت عشان الظروف الدولية.