توحش في السوق السوداء للدولار.. تطور غريب ومريب
فيه تطور غريب ومريب حصل الكام ساعة الأخيرة فى السوق السودا للدولار والأسعار رفعت مرة واحدة بصورة مش طبيعية لكن كمان فيه تحرك مش متوقع من المضاربين وتجار العملة.. فيا ترى ايه اللى حصل وليه؟ وهل ده معناه ان السوق السودا هترجع تانى تسيطر على سعر الصرف ولا ممكن يكون فيه تحركات لضرب حركة الدولرة؟
فيه عمليات شد وجذب كبيرة بتحصل فى السوق الموازية لسعر الصرف وفى الساعات الأخيرة حصل ارتفاع كبير فى سعر الدولار امام الجنيه ووصل السعر الى مستويات بتتراوح ما بين 41 الى 42 جنيه والمفاجأة الكبرية ان التحرك مكنش فى سعر الدولار بس لا كمان فى اسعار عملات تانية كتيرة زي اليورو والاسترليني والريال السعودي والدرهم الاماراتي.
التحرك اللى حصل النهاردة فى سعر صرف الدولار بالسوق الموازية محدش فاهمه ولا فاهم اسبابه ايه حتى تجار العملة نفسهم مستغربين وعشان كده مفيش ععمليات ببتم بالسعر ده وأغلب المضاربين مش بيقبلوا على الشرا بالسعر ده لأنهم عارفين وفاهمين كويس ان ده مش السعر العادل للعملة الأمريكية.
طب هل هيكون فيه تحرك للى بيحصل فى السوق السودا؟
بالفعل فيه تحركات قوية بيعملها البنك المركزي فى الشهور الأخيرة لضربة السوق الموازية وفيه كمان تحرك أمنى كثيف واى حد بيتمسك بدولارات بيوقع عليه أقصى العقوبات المنصوص عليها فى القانون ولازم تكون عارف ان تجارة العملة فى مصر ممنوعة بحكم القانون وغير مصرح بيها واى تداول للنقد الجنبي خارج البنوك بيعرض صاحبه للسجن وتوقيع غرامة مالية ضخمة.
طب ايه الحلول لمواجهة توحش السوق السودا للعملة ؟
فيه حلول كتير أولها ان البنوك تزود المعروض من الدولار وتوفر للمستوردين الاحتياجات اللى عاوزنها ولازم يحصل تحرك لوقف المضاربة على الدهب لأن تجار الدهب بيلعبوا دور مهم وخطير فى تسعير الدولار فى مصر وكلنا عارفين ان الدهب حاليا مسعر على سعر دولار أكتر من 44 جنيه وده حتى أعلى من أعلى سعر للعملة الامريكية فى السوق الموازية.
