ازاي محمد رمضان عدى بالدولارات من المطار.. هنقولك عمل ايه

من كام يوم ترند مصر شغال على جعفر العمدة أو الفنان محمد رمضان بسبب الصورة اللي نشرها في طيارته الفاخرة وجمبه رزمة دولارات وباين من حجمها انها مبلغ ضخم وناس كتير هاجمت الفنان على أساس أنها بيستفز  الغلابة بالدولاراات في وقت البلد بتعاني من أزمة عملة وعامة دي مش مشكلتنا وانك تتصور جمب الدولارات مش جريمة اللي يهمنا هنا ازاي محمد  رمضان دخل بالدولاراات دي من المطار وايه المبلغ المسموح لكل مواطن يدخله في أيده 

عادة المسافرين اللي جايين من بره مش بتكون معاهم مبالغ كبيرة زي اللي ظهرت مع محمد رمضان لأن القانون محدد كمية النقد اللي يدخلها كل مسافر داخل البلد وخلو بالكم كلامنا هنا عن السيولة يعني الفلوس الكاش ودا غير التحويل طبعا في الحسابات ودا مفهوش مشكلة.

ولو هنقيس على حالة نمبر وإن وحسب القانون الحد الأقصى للأموال اللي يمكن حملها في مطارات العالم في 
مصر مسموح تدخل ب10 آلاف دولار  في ايدك من أي مطار وفي والإمارات والسعودية تعدي ب 16 ألف دولار في وأمريكا مسموح بردوا ب 10 آلاف دولار وتركيا 12 ألف دولار وفي دول الاتحاد  الاوروبي 10 آلاف يورو وغير كده يبقي مخالفة والزيادة بتتصادر  وزي ما قلنا كل رجال الأعمال والأثرياء بيحولوا ملايين الدولارات من خلال التطبيقات البنكية الرقمية وبالتليفون.

لكن كان واضح من المبلغ اللي كان جمب محمد رمضان أنه أكبر طبعا من 10 آلاف دولار ورغم كده عدى بيه عادي من المطار طيب ازاي..  هنقول لحضرتك الفنان مخلفش القانون  وهو طلع بالمبلغ ده كله من غير ما يتصادر لأنه وزع الدولارات على كل مرافقيه في طيارته الخاصة وهما فريق عمله بواقع 10 آلاف دولار على كل مسافر وجواز سفر ودي اللي حصل حسب مصادر لبانكير وإن الفنان عارف كويس حكاية الحد الأقصى المسموح بيه من الدولارات مع المسافرين.

طيب بعيد عن قصة دولارات رمضان.. ليه لدول بتحدد كمية الدولارات مع المسافرين اللي  جايين من بره رغم المفروض دا خير وداخل البلد خاصة البلاد اللي فيها أزمة عملة زينا.. شوف حضرتك الموضوع ده بيكون مرتبط باتفاقيات دولية ومرتبط بمنظومة سوق الصرف في كل بلد وعشان الفلوس دي مش بتكون مراقبة أو معروف مصدرها عكس الفلوس اللي في الحسابات البنكية وعشان متروحش في ايد ناس أو جماعات مخربة.