لأول مرة.. تصنيع السيارات وقطع الغيار هايكون في مصر

مصر لو صنعت سيارات بكميات كبيرة الأسعار هاتنزل وهاتبقى العربية في المتناول.. يعني خلينا نقول ببساطة أنك مش هتحتاج قرض والأمور دي.

ودا اللي بتعمله مصر في الوقت الحالي.. ودا لما اجتمع
وزير التجارة والصناعة المهندس أحمد سمير مع وفود شركتين هنديتين متخصصتين في مجالات تصنيع المركبات وقطع غيار السيارات، علشان يوجدوا فرص استثمار في السوق المصري وإمكانية إنشاء مشروعات للشركتين في مصر في مجالات تصنيع المركبات الكهربائية وشاحنات نقل الركاب وإنتاج قطع غيار السيارات.

واللقاء اللي حضره وزيرة التجارة والصناعة..  تم خلاله استعراض جهود الدولة الحالية لتبني وتوطين صناعة السيارات الكهربائية في السوق المصرية، والاعتماد على الطاقة النظيفة في المركبات للحفاظ على البيئة.

وخلينا نكون عارفين أن الحكومة المصرية نجحت خلال السنين اللي فاتت في تكثيف العمل على توفير البنية التحتية اللازمة لمحطات شحن المركبات الكهربائية وبيتم حاليا التوسع في إنشاء هذه المحطات.

والميزة في  الشركة الهندية دي إن لها باع طوي في مجال تصنيع السيارات وخاصة السيارات الكهربائية وبتعمل في عدد كبير من دول العالم.

وحاليا الشركة دي بتدرس إقامة مصنع لها في مصر علشان يكون محور للتصنيع والتصدير في منطقة الشرق الأوسط وقارة إفريقيا.