مدبولي يكشف سر خطير.. إيه اللي حصل في اجتماعات الاستشاري الاقتصادي
أمس الدكتور مصطفى مدبولي رئيس الوزراء، اجتمع بالمجلس الاستشاري الاقتصادي؛ عشان استعراض القرارات الأخيرة اللي وافق عليها الرئيس عبدالفتاح السيسي، خلال اجتماع المجلس الأعلى للاستثمار الأسبوع الماضي، وخطة تنفيذ القرارات دي.. وفي الاجتماع مدبولي قال حاجة مهمة جدا عشان مصر تنطلق في الاستثمار.. ياترى قال إيه وإيه هي نتيجة قرارات تحفيز مناخ الاستثمار والأعمال في مصر.
في بداية الاجتماع، قال مدبولي إن الدولة المصرية اتخذت قرارات مُهمة في الفترة الأخيرة لدفع ملف الاستثمار، وآخرها قرارات تحفيز مناخ الأعمال في مصر خلال انعقاد المجلس الأعلى للاستثمار الذي ترأسه السيد الرئيس عبدالفتاح السيسي، رئيس الجمهورية.
مدبولي قال كمان إن الحكومة بتابع بشكل دوري تنفيذ القرارات الأخيرة أول بأول وأكد للحضور إن دي تكليفات واضحة ومحددة ومباشرة لكل وزير حسب برنامج زمني، وكشف مدبولي إنه بيتم حاليا اتخاذ قرارات تدفع ملف الاستثمار ورحب بأي أفكار خارج الصندوق، ودي الجملة المهمة اللي قالها مدبولي التفكير خارج الصندوق لدفع عجلة الاستثمار،وقال إن أي مقترحات بتستهدف خلق مناخ جاذب للاستثمار هتكون محل دراسة حقيقية والحكومة منفتحة على كل الأفكار والآراء.
والمهم بقى إن أعضاء المجلس الاستشاري عرضوا بالفعل أفكار بره الصندوق ممكن تساهم في زيادة الحصيلة من النقد الأجنبي والدولارات، وكمان جذب الاستثمارات الخارجية على وجه الخصوص.
أعضاء المجلس الاستشاري واللي بيضم أسماء تقيلة في القطاع الاقتصادي أكد إن مصر عندها قطاعات مهمة جدا وبتتمتع فيها الدولة بميزة تنافسية زي قطاعات الدواء، والاتصالات، وغيرها، والحكومة شغالة على أفكار تعظيم الاستفادة من القطاعات دي.
مدبولي قال كمان إنه بيتابع ملف الأطروحات الحكومية بشكل يومي، وإن الموضوع ماشي زي ماهو مخطط ليه والشركات هتتباع حصصها بأعلى الأسعار وإن الحكومة صبورة في ملف الاطروحات الحكومية عشان كده أعلنت إنه ممكن ياخد شهور، وبعدها راح الكلام على الاستثمار في مشروةعات الهيدروجين الأخضر والطاقة النظيفة، واللي مصر بتجري فيه والحكومة أقرت فيه محفزات مالية وضريبية مهمة جدا هتخلي مصر دولة رائدة عالمية في مسشروعات الطاقة النظيفة من خلال استثمارات بمليارات الدولار.
