عملة أهم من الدولار واغلى من الدهب.. التفاصيل مفاجأة

مفيش كلام كلنا عارفين إن الدولار دلوقتي ومن سنيين فاتت عن أهم وأقوى عملة نقدية على  ضهر الارض لأنه هو العملة الرسمية في التجارة العالمية واحتياطيات أغلب دول العالم وكمان عارفين إن الدهب اهم معدن للاستثمار الآمن والتحوك والادخار في أوقات الأزمات.. لكن ياترى عرفت بالعملة اللي أهم من الدولار واغلى من الدهب.. تعالى نقولك القصة  واللي فيها..
 الملياردير الشهير ايلون ماسك مالك تويتر وتسلا طلع في مقابلة وسألوه عن أهم وأقوى عملة شايفها في السوق طبعا المذيعة كانت مستنية الملياردير الكبير يقولها الدولار لكن رده كان مفاجأة وهي إن أهم عملة في العالم هي الوقت أو الزمن .. ايوا هي دي اقوى عملة بيحاول رجال الأعمال السيطرة عليها وكل الدول الناجحة قدرت يكون عندها عملة الوقت عشان تقدر تنجز.
الغريبة إن مصر انطلقت اول ما اكتشفت عملة ماسك أو الوقت اللي كالسيف.. وفاكرين كلنا الرئيس السيسي لما كان بيسأل على مشروع هيخلص امتى فيقولوله بعد 5 سنين ويرد الريس قدامكم سنة.. دي المقصود باستثمار الوقت اللي هو الانجاز بسرعة وبشكل متعدد وفي اكتر من مجال ومصر حققت معجزتها في حوالي 8 سنين بآلاف المشروعات في كل المجالات كان الوقت عاملها الأساسي.
امبارح مجلس الاستثمار الأعلى خد باله من عملة الوقت والزمن وقلل وقت واجراءات تأسيس الشركات عشان لو انت عندك إجراءات اطول غيرك بيخلص تأسيس الشركة في ساعات وأمكن دقايق ومش بيحتاج كمان أوراق لأن الوقت هو رأس مال المستثمرين اكتر من الدولار والذهب، وكل الشركات العملاقة والبنوك الكبيرة بتخلص صفقاتها وتحويلاتها في ثواني ومليارات بتنقل بين القارات في غمضة عين .
الدولار وسيلة لكن الوقت هو الاستثمار والعملة الحقيقة عشان كده تلاقي كل المليارديرات ورجال الأعمال الناجحين وقتهم محسوب بالدقيقة ودا نفسه بيحصل على مستوى الدول، وفي الفترة الجاية لازم مصر تستثمر في عملة الوقت بشكل أوسع معندناش وقت ولا رفاهية للتفكير وانتظار الدراسات والجدوى لازم كله يام بسرعة وبنفس الدقة عشان الدقيقة في المشروعات دلوقتي بتفرق ملايين الدولارات بعدين  في التكلفة والانشاء.