قفزة في أرصدة الذهب وصافي الاستثمار الأجنبي.. المركزي يكشف الحقائق

البنك المركزي المصري بيعتبر من اقدم واهم البنوك المركزية في العالم  وليه تاريخ طويل وخبرة لاتقدر بثمن ودا انعكس على أداءه طول تاريخه واللي ظهر أكتر مع تولي المصرفي المخضرم حسن عبد الله واللي في عهده حصلت قفزات كبيرة في المنظومة المصرفية والمالية رغم الأزمة الكبيرة اللي بتمر بيها مصر.. تعالوا نشوف المفاجآت في قوائم البنك المركزي النهاردة عشان نعرف قد ايه الناس دي بتشتغل ليل نهار

 
تقرير المركز المالي الأخير كشف إن أرصدة الذهب في البنك المركزي المصري ارتفعت إلى 247.645 مليار جنيه بنهاية أبريل الماضي، مقابل 245.191 مليار جنيه في مارس 2023، وكمان ارتفاع الأصول الثابتة إلى 6.718 مليار جنيه بنهاية أبريل اللي فات، مقابل 3.647 مليار جنيه بنهاية مارس الماضي.

وأعلنت القوائم ارتفاع أصول البنك المركزي إلى 4.4 تريليون جنيه بنهاية أبريل اللي فات، ودا مقابل 4.1 تريليون جنيه بنهاية مارس 2023.
تقرير المركز المالي الصادر عن «المركزي»، كشف بلوغ أرصدته الللي هو البنك المركزي المصري عند صندوق النقد الدولي حوالي 13.22 مليار جنيه بنهاية أبريل، مقابل 7.22 مليار جنيه بنهاية مارس 2023، وده غير مساهمات المركزي في رؤوس أموال مؤسسات التمويل الدولية واللي وصلت 19.285 مليار جنيه في من مارس وأبريل الماضيين.

وعل ى مستوى القروض وودائع للبنوك التانية المركزي أصدر قروض وودايع  بـ316.760 مليار جنيه بنهاية أبريل الماضي، مقابل 317.560 مليار جنيه بنهاية مارس 2023.

الأهم في بيانات المركزي  كانت في أرقام تدفقات الاستثمار الأجنبي المباشر، واللي وصلت 3.297 مليار دولار خلال الفترة من يوليو إلى سبتمبر من العام المالي الحالي.

وعلى مستوى الاحتياطي النقدي من العملات الأجنبية سجل المركزي  34.551 مليار دولار في نهاية أبريل 2023، بالمقارنة بـ 34.447 مليار دولار في نهاية مارس  من نفس العام وخلى بالك الاحتياطي النقدي الأجنبي لمصر فضل يزيد رغم سداد  2.5 ملیار دولار مدفوعات مرتبطة بالمديونية الخارجية للدولة، بواقع 1.5 مليار دولار خلال شهر نوفمبر، ومليار دولار في ديسمبر.

ليه بنستعرض لحضراتكم الأرقام دي .. طبعا عشان تجديد الثقة في البنك المركزي وقياداته والدولة ولأن الأرقام مابتكدبش فأكيد دي رسايل اطمئنان إن الدولة المصرية على الطريق السليم والاقتصاد بيتعافي والجنيه راجع بقوة.